MS: konfuzaun ho pagamentu subsidiu ba estudante medisina

Pagamentu subsidiu ba estudante medisina (Cuba no Timor-Leste) ne’ebe sempre atrazadu, balun simu no balun simu hamosu perguntas bo’ot ba iha Ministeriu Saude, liu-liu Diresaun Nasional Rekursu Humanu, noa parte banku nian presiza hare didiak.
“Ita la’os halo pagamentu ba ema foun maibe estudantes sira ne’e nanis kedas fo ona subsidio ne’ebe nia konta bankaria ne’e tidak mungkin salah, tanba ne’e prosesu transferensia tuir lolos labele lori tempu ne’ebe naruk, e ami sempre esforsu maka’as prepara ona dokumentus atu selu deit mos la selu nafatin hau sempre hanoin salah iha ne’ebe, ne’e lalojika,” dehan Diretor Nasional Rekursu Humanu (DNRH), Duarte Ximenes, (06/06),Kaikoli, Dili.

Enkuantu subsidiu ba estudante sira ne’e kada estudante simu $75,00 kada fulan, no tuir regulamentu Ministeriu nian kada fulan tolu halo pagamentu ba sira to’o sira hetan graduasaun.
Tuir nia, problema ne’e presiza resolve maibe la’os deit MS, maibe Ministeriu Edukasaun no Ministeriu Finansas mos iha responsabilidade inklui banku mos.

“Ami  sei esforsu nafatin atu buka tuir problema ne’e hodi rezolve lalais tanba ne’e ami nia responsabilidade atu hatene,” Diretor ne’e promete.

Iha parte seluk Estudante Medisina ne’ebe lakohi fo sai nia identidade hateten, problema atraza ba pagamentu subsidiu ne’e, la’os foin mak akontese maibe dalabarak ona, ho razaun ne’ebe lalojika mos.
“Fulan neen ona ami seidauk simu osan subsidio ne’e, maibe tuir informasaun ne’ebe hau rona husi kolega sira, balun simu ona iha banku Mandiri maibe hau seidauk simu hau nian tau iha banku ANZ,” dehan Estudante ne’e.