Sexta, Fevereiro 23, 2018
Total visitors: 196818

Taxa moras anemia kontinua aas iha rai laran, tanba tuir dadus husi Timor-Leste Food and Nutrition Survey 2013, hatudu katak taxa anemia ba labarik ho idade fulan 6-59 hamutuk 63%, enkuantu 40% feto reprodutiva ho idade 14-60.

Tuir dadus husi Timor-Leste Food and Nutrition Survey 2013, hatudu katak taxa moras anemia kontinua aas iha rai laran.

Oficial Seguransa Alimentar Minisiterio Saude, Mario Moreira dos Santos hateten anemia sai ameasa bo’ot ba iha saude publiku iha Timor –Leste tanba feto foinsa’e barak mak sofre kondisaun ida ne’e.
Tanba ne’e, nia dehan atu redus taxa ida ne’e presiza servisu ne’ebe integradu entre ministerio sira atu bele asegura komunidade sira asesu ba aihan ne’ebe sufsiente no iha konesementu kona ba aihan ne’ebe sira presiza.
“Ba feto sira, bainhira iha tempu mensturasaun, ran sai barak durante loron tolu ou semana ida, entaun sira tenke han hahan ne’ebe riku ho ferru hodi bele halo rehabilitasaun ba sira nia ran, se la’e sira bele hetan anemia,” nia hateten iha salaun FONGTIL Kaikoli, Dili.
Nia hatutan, aihan sira ne’ebe riku ho ferru mak hanesan na’an aten, na’an mean, modo tahan sira nune’e mos hemu bee barak.
Enkuantu, nia dehan esforsu ne’ebe governu liu husi Ministerio Saude halo mak kontinua halo sosializasaun ba komunidade sira liu –liu feto sira atu kuidadu sira nia saude, liu –liu konsumu aihan ne’ebe fo nutrisaun ba sira nia isin.
Nia hatutan, defisiente ferru fo afeita direita ba konektivu ka intelektual no abilidade ema ida nian atu aprende no ba inan isin rua sira risku bo’ot ba mortalidade durante partu, bebe todan menus no bebe premature.
Iha dadus hatudu, kazu anemia liu –liu feto idade (14-60) barak liu iha munisipio Dili, Liquisa, Baucau, Bobonaro no Regiaun Administrativu Especial Oe-Cusse.
Iha parte seluk, Vise Ministra Saude Ana Isabel Soares rekonese katak Timor –Leste halo ona progresu barak iha tinan 15 nia laran, liu –liu iha setor saude, maibe kazu anemia seidauk bele rezolve.
Nia dehan, problema ne’e mosu tanba sosiedade nia estilu moris iha ona mudansa kada loron ne’ebe fo impaktu mos ba iha dieta ne’ebe la saudavel no laiha balansu nutrisaun.
Nia dehan, taxa malnutrisaun ba labarik Timor –Leste konsege hatun hanesan iha peskiza Demography Health Survey 2010, stunting iha 58% tuun ba 50% iha tinan 2013 no Underweihgt 45% ba 38% 19 ba 12.
“Ba labarik ita konsege redus, maibe taxa anemia sei aas nafatin iha Timor –Leste,” nia hateten.
Nia informa, governu halo hela peskiza ida kona ba problema anemia iha Timor –Leste hodi nune’e bele halo intervensaun diak liu tan ba redusaun.
Entretantu, Diretor Ezekutivu Forum Organizasuan Naun-Govermental Timor-Leste (FONGTIL), Arsenio Pereira da Silva hateten sosiedade sivil iha komitmentu no obrigasaun atu kontribui ba dezenvolvimentu nasaun no bein estar povu nian.
Nia dehan, NGO nasional, local no international lubuk ida mak halo hela servisus ba iha setor agrikultura no seguransa aihan nian, liu –liu mobilize komunidade, harii grupo hortikultura hodi hasa’e produsaun ba aihan sira.
“Ami sosiedade sivil mos hola papel atu promove hahan nutritive sira, hanesan mikro-nutriente no makro-nutriente atu ema iha sensivel hatene kona ba hahan sira ne’e ho nia nutrisaun hodi ita bele redus taxa sira ne’e,” nia hateten.
Nia dehan, problema malnutrisaun no ran menus ne’e tenke sai preokupasaun ema hotu nian para bele redus tanba iha multi kauza ne’ebe hamosu kondisaun sira ne’e liu –liu ekonomia, social, konesementu no insufsiente aihan rasik.

  • Qua
    Fev
    21
    2018
    MdS-Parseirus Realiza Kampanha Nasional Saude Maternu Infantil no Nutrisaun
    Ministerio da Saude ho parseiru sira sei hala’o kampanha nasional kona ba saude maternu infantile no nutrisaun nian durante tinan tomak, hodi hasa’e konesementu no konsiensia komunidade sira nian atu ...
  • Qua
    Fev
    21
    2018
    Pasientes Matan 117 Halo Operasaun Ba Matan
    Iha fulan Janeiru nia laran, Sentru Nasional Matan halo ona operasaun matan ba ema nain 117, maioria katarak no problema matan sira seluk. Pasiente matan hamutuk 117 mak konsege halo operasaun ba m...
  • Qua
    Fev
    21
    2018
    Merenda Eskolar La La’o Tanba Laiha Orsamento
    Desde tama tinan foun 2018, Janeiru to’o agora programa merenda eskolar seidauk la’o iha eskola sira tanba laiha orsamentu. Diretor Belchior Maria Barros hateten programa merenda eskolar to’o agora...
  • Qua
    Fev
    21
    2018
    Asidente Trafiku Iha Fulan Janeiro Hamutuk 146
    Diretor Tranzito Nasional, Inspektor Xefe Polisia Antonio Soares hateten total asidente trafiku ne’ebe mak akontese iha munisipiu sira inklui Dili durante fulan Janeiro hamutuk 146 kazus. Total asi...
  • Qua
    Fev
    21
    2018
    PNTL Prende Motor 43 Iha Valentine’s Day
    Iha loron domin nian (valentine’s day) 14 Fevereiru, Polisia Tranzito Munisipiu Dili prende motorizadas hamutuk 43 tanba motorista sira viola regras tranzito nian ne’ebe iha. Polisia Tranzito husi ...

E-mail Subscription

Enter your email address:

    Poll

    Nothing found!

    Follow us on Twitter