Sábado, Fevereiro 24, 2018
Total visitors: 196962

Ministru da Saude, doutor Rui Maria de Araujo hateten prevalensia moras Lepra iha Timor –Leste komesa sa’e maka’as, tanba iha tinan lima ikus (2012-2017) identifikasaun kazu Lepra foun hamutuk 600 resin.

Ministru Saude Rui Maria de Araujo, hateten kazu moras Lepra hahu sa’e maka’as ho kazu foun 600 resin tuir dadus 2012-2017 nian.

Nia dehan, iha tinan 2011 Timor –Leste deklara elimina ona moras Lepra tanba prevalensia tun ba menus husi 1%, maibe ho kazu foun sira ne’ebe identifika prevalensia sa’e ba mais 1% ona.
Nia hateten, kazu foun ne’ebe detekta barak liu iha munisipio Dili ho kazu 100 resin iha tinan 2017 no munisipio seluk hanesan Baucau, Bobonaro no Regiaun Administrativa Espesial Oe-Cusse- Ambeno (RAEOA).
“Hau nia mensagen ba ita nia populasaun tomak katak moras Lepra ita bele kura, aimoruk gratuita no fasil atu detekta tanba ne’e familia, komunidade bainhira isin iha hena mutin ne’ebe la sente, mahar tenke halo konsulta ba doutor sira atu hare, kuandu lepra ita halo tratamentu kedas,” nia hateten hafoin halo visita ba pasiente Lepra iha Suku Bebonok Dili.
Nia dehan, moras ida ne’e bele kura maibe importante komunidade tenke servisu hamutuk ho professional saude sira iha sukus hodi halo deteksaun sedu no halo tratamantu atu prevene disabilidade.
Nia hateten, tratamentu ba Lepra tuir faze, bele tinan ida hemu aimoruk no bele mos fulan neen deit, depende ba kondisaun.
Iha oportunidade ne’e, nia mos husu ba autoridade local sira atu koopera ho professional saude sira hodi buka tuir kazu sira ne’e halo tratamentu, tanba ho asaun ida ne’e mak bele hakotu siklu transmisaun moras ida ne’e iha Timor.
Vizita Ministru ba pasiente moras Lepra sira ne’e, hanesan parte ida husi atividade selebrasaun loron mundial moras Lepra ne’ebe monu iha dia 28 de Janeiru kada tinan.
Entretantu, Reprejentante Organizasaun Mundial da Saude (OMS) Rajesh Pandav hateten xave importante atu atinji zero defisiente ne’ebe kauza husi moras Lepra mak presiza haforsa servisu deteksaun kazu no diagnostika sedu atu bele halo tratamentu.
“OMS husu atu servisu deteksaun tenke ativu no diagnostika sedu ba moras Lepra, hanesan parte ida husi servisu ne’e hodi atinji zero defisiente ba mane no feto,” nia hateten.
Nia dehan, asaun especial sira ne’e presiza halo hodi hakotu endemiku ba komunidade iha rai laran, liu –liu komunidade sira iha munisipio Dili, Baucau no RAEOA.
Iha parte seluk, Xefe Aldeia Metin I, Suku Bebonuk, Postu Administrativu Dom Aleixo, Munisipio Dili, Martinho Francisco da Silva hateten sira pronto atu kolabora ho professional saude sira hodi halo deteksaun ba kazu sira iha komunidade.
“Agradese ba Ministru ne’ebe hakat mai vizita ami nia komunidade liu –liu uma kain ida ne’ebe sofre moras Lepra ne’e,” nia hateten.
Nia dehan, familia ne’ebe hetan vizita ne’e membru familia nain hat mak sofre moras Lepra no agora dadaun sira halo hela tratamentu.
Alende ne’e, nia dehan iha pasiente ida mak ho kondisaun defisiente ne’ebe agora dadaun hetan ona apoiu husi Ministerio Solidaridade Sosial (MSS).

  • Qua
    Fev
    21
    2018
    MdS-Parseirus Realiza Kampanha Nasional Saude Maternu Infantil no Nutrisaun
    Ministerio da Saude ho parseiru sira sei hala’o kampanha nasional kona ba saude maternu infantile no nutrisaun nian durante tinan tomak, hodi hasa’e konesementu no konsiensia komunidade sira nian atu ...
  • Qua
    Fev
    21
    2018
    Pasientes Matan 117 Halo Operasaun Ba Matan
    Iha fulan Janeiru nia laran, Sentru Nasional Matan halo ona operasaun matan ba ema nain 117, maioria katarak no problema matan sira seluk. Pasiente matan hamutuk 117 mak konsege halo operasaun ba m...
  • Qua
    Fev
    21
    2018
    Merenda Eskolar La La’o Tanba Laiha Orsamento
    Desde tama tinan foun 2018, Janeiru to’o agora programa merenda eskolar seidauk la’o iha eskola sira tanba laiha orsamentu. Diretor Belchior Maria Barros hateten programa merenda eskolar to’o agora...
  • Qua
    Fev
    21
    2018
    Asidente Trafiku Iha Fulan Janeiro Hamutuk 146
    Diretor Tranzito Nasional, Inspektor Xefe Polisia Antonio Soares hateten total asidente trafiku ne’ebe mak akontese iha munisipiu sira inklui Dili durante fulan Janeiro hamutuk 146 kazus. Total asi...
  • Qua
    Fev
    21
    2018
    PNTL Prende Motor 43 Iha Valentine’s Day
    Iha loron domin nian (valentine’s day) 14 Fevereiru, Polisia Tranzito Munisipiu Dili prende motorizadas hamutuk 43 tanba motorista sira viola regras tranzito nian ne’ebe iha. Polisia Tranzito husi ...

E-mail Subscription

Enter your email address:

    Poll

    Nothing found!

    Follow us on Twitter