Sábado, Fevereiro 24, 2018
Total visitors: 196962

Liu husi atividade screening massal ne’ebe hala’o ba estudantes, Servisu Saude Munisipio Dili konsege detekta kazu positive tolu.

Servisu Saude Munisipiu Dili konsege detekta kazu pozitivu tolu durante hala’o screening missal ba estudantes iha eskola sira.

Diretora Saude Munisipio Dili, Agustinha Seguerado hateten rezultado screening hatudu katak kazu ida iha eskola Ensino Baziku Filial Darlau, postu administrative Cristo Rei no eskola Ensino Baziku Filial Maquili, postu administrative Atauro.
Nia dehan, saude Dili lori ona rezultado screening ne’e ba laboratorium nasional hodi halo verifikasaun katak bakteria ne’e iha duni atu bele halo intervensaun imediata hodi prevene transmisaun ba ema seluk.
“Saude Munisipio Dili ho agensia ne’ebe suporta hamutuk ho Ministerio da Saude tenke halo fali screening ba labarik hotu iha fatin ne’ebe identifikadu positive no halo kedas konsulta massal ba positive sira,” nia hateten, iha servisu fatin Bairo dos Grilhos.
Nia hateten, saude munisipio Dili hamutuk ho Ministerio Edukasaun identifika eskola tolu kada postu administrative, hanesan alvu ba iha survey frambuzia ne’e.
Entertantu, Responsavel Moras Tubercolouse no Vigilansia iha Sentru Saude Comoro, Enfermeiru Vicente Quintão hateten sira konsege halo ona screening ba estudantes hamutuk 555 iha eskola rua, hanesan Ensino Baziku Filial Beduku no Marinir, maibe seidauk detekta kazu (positive) ruma.
Nia dehan, iha postu administrative Dom Aleixo identifika eskola tolu nudar alvu, mak eskola ensino baziku Filial Beduku, ensino baziku Marinir no Hudi Laran.
“Moras ida ne’e risku maka’as liu ba labarik sira, tanba ne’e ita nia alvu ba peskiza ida ne’e mak labarik sira,” nia hateten
Nia esplika, frambuzia mak moras infeksaun kulit ne’ebe kauza husi bakteria no nia prosesu da’et husi ema ida ba ema seluk liu husi kontaktu isin.
Nia hatutan, moras ida ne’e la perigu ba ema nia vida, maibe halo ema sai marjinalizadu tanba kanek ne’ebe iha sai dodok no dois.
Iha parte seluk, Diretor Saude Munisipio Bobonaro Vitor Soares Martins hateten sira konsege halo screening ba estudantes hamutuk 3149 husi eskolas 40, maibe rezultado laboratorium hatudu katak sira livre hotu husi bakteria ida ne’e.
“Ami konsege halo teste Beeline ba estudante hamutuk nain 265 ne’ebe deskonfia, maibe rezultado hatudu sira negative hotu,” nia hateten.
Nia hateten, moras frambuzia la eziste iha munisipio Bobonaro no sira sei kontinua esforsu atu prevene komunidade, liu –liu labarik sira husi moras ida ne’e.

  • Qua
    Fev
    21
    2018
    MdS-Parseirus Realiza Kampanha Nasional Saude Maternu Infantil no Nutrisaun
    Ministerio da Saude ho parseiru sira sei hala’o kampanha nasional kona ba saude maternu infantile no nutrisaun nian durante tinan tomak, hodi hasa’e konesementu no konsiensia komunidade sira nian atu ...
  • Qua
    Fev
    21
    2018
    Pasientes Matan 117 Halo Operasaun Ba Matan
    Iha fulan Janeiru nia laran, Sentru Nasional Matan halo ona operasaun matan ba ema nain 117, maioria katarak no problema matan sira seluk. Pasiente matan hamutuk 117 mak konsege halo operasaun ba m...
  • Qua
    Fev
    21
    2018
    Merenda Eskolar La La’o Tanba Laiha Orsamento
    Desde tama tinan foun 2018, Janeiru to’o agora programa merenda eskolar seidauk la’o iha eskola sira tanba laiha orsamentu. Diretor Belchior Maria Barros hateten programa merenda eskolar to’o agora...
  • Qua
    Fev
    21
    2018
    Asidente Trafiku Iha Fulan Janeiro Hamutuk 146
    Diretor Tranzito Nasional, Inspektor Xefe Polisia Antonio Soares hateten total asidente trafiku ne’ebe mak akontese iha munisipiu sira inklui Dili durante fulan Janeiro hamutuk 146 kazus. Total asi...
  • Qua
    Fev
    21
    2018
    PNTL Prende Motor 43 Iha Valentine’s Day
    Iha loron domin nian (valentine’s day) 14 Fevereiru, Polisia Tranzito Munisipiu Dili prende motorizadas hamutuk 43 tanba motorista sira viola regras tranzito nian ne’ebe iha. Polisia Tranzito husi ...

E-mail Subscription

Enter your email address:

    Poll

    Nothing found!

    Follow us on Twitter