TL Terseiru Lugar Iha Mundu Ba Kazu Mal Nutrisaun

Kazu mal nutirsaun sai preokupasaun iha nasaun frazil sira, liu-liu Timor-Leste ne’ebe  terseiru lugar (urutan ketiga) iha mundu ka numeru un (nomor satu) iha Asia, tanba numeru ba kazu ne’e kada tinan aumenta.
“Iha tinan 2004 mal nutrisaun mencapai 46% no iha tinan 2011 mencapai 56% ne’e la’os tun maibe as tan deit, ita bele hare iha internet, Timor-Leste ne’e urutan ke tiga iha mundu, primeiru Afganistan, segundu Yemen depois Timor-Leste, no kompara ASEAN,Timor-Leste nomor satu,” hateten Diretora Hiam Health, Rosaria Martins, iha Osindu, Dili.

Tanba ne’e tuir nia, Ministeriu Saude (MS) no Organizsaun Non Govermental (NGO) ne’ebe relevante presiza servisu maka’as liu tan, nune’e bele redus numeru ba kazu mal nutrisaun ne’ebe aumenta be-beik iha rai laran.

Entretantu tuir Deputada Virginia Ana Belo, atu kombate problema malnutrisaun iha nasaun Timor-Leste la’os Ministeriu Saude ninian deit maibe NGO sira hotu, liui-liu sira ne’ebe durante ne’e tau matan ba problema ne’e.

“Presiza Governu servisu hamutuk ho NGO ne’ebe maka toma atensaun ba malnutrisaun, atu koopera hamutuk hodi bele kombate Malnutrisaun iha nasaun ida ne’e” Deputada Belo sujere.