Diretór Klínika, iha Hospital Nacional Guido Valadares (HNGV), Doutór Marcelino Correia informa opsaun tratamentu ne’ebé sira oferese ba pasiente na’in 140 mak tratamentu sintomátika de’it hodi estabiliza kondisaun pasiente nian atu bele aguenta hein trata passaporte, tanba pasiente sira-ne’e laiha posibilidade halo tratamentu iha rai-laran.
Prezidente Autoridade Nasionál Designada ba Kombate Alterasaun Klimátika (AND, I.P), Pedro Marçal da Costa hateten Timor-Leste hetan fundu millaun $21 husi Fundu Klimátika Verde, hodi mellora sistema alerta sedu hodi hari reziliénsia ba perigu Indro-Meteorolojiku iha Timor-Leste, ne’ebé importante tebes atu integra servisu setór saúde iha sistema alerta sedu, tanba mudansa klimátika lori impaktu bo’ot tebes ba Saúde Públika.
Vise-Ministru Saúde ba asuntu Operationalizasaun Hospitais, Doutor Flávio Brandão hateten regularmente kada tinan rua governu China haruka ekipa médiku espesialista iha área oioin mai servisu hamutuk ho médiku nasionál sira iha Hospital Nacional Guido Valadares (HNGV), iha kapital Dili, hodi oferese tratamentu espesializada ba povu Timor-Leste.
Iha ámbitu selebrasaun loron mundial ba moras mental, ne’ebé monu iha loron 10 fulan Outubru tinan 2023, Xefe departamentu Psikiatria, iha Hospital Nacional Guido Valadares (HNGV), Díli, Doutór Boaventura José da Costa rekomenda ba governu da-sia fó prioridade hasa’e númeru médiku psiquiatra nasionál, psicologia klínika no harii infrastrutura própriu ba kuidadu saúde mental tanba númeru pasiente barak laiha fatin próprio atu akumula pasiente hotu.