Domingo, Fevereiro 18, 2018
Total visitors: 196199

Deskunfia adolteiru ho feto seluk, feto (arguida) ida baku nia la’en (lezadu) ho ai-dona to’o ran iha parte ulun nian.

TMD fo pena suspensaun tinan ida ba arguida tanba baku nia la’en to’o ulun ran.

Tuir akuzasuan husi Ministeriu Publiku ne’ebe lee sai husi juis prezidente katak, lezadu ho arguida hola malu iha tinan 2008 no agora iha ona oan nain hat.
Iha loron 09 Maiu 2016, arguida telefone lezadu hodi mai tula iha uma tanba nia atu sai, maibe tanba sente hein kleur liu entaun wainhira lezadu to’o iha uma, arguida foti kedas fatuk tuda lezadu maibe la kona.
La para ho ne’e, sente sei nervozu entaun arguida foti tan ai ne’ebe iha nia tutun iha pregu hodi baku ba lezadu nia ulun to’o ran.
Arguida deskunfia lezadu mai kleur tanba sei hasoru nia eis namorada iha Lahane, tanba antes ne’e arguida konsege deskobre lezadu adolteiru ho feto ida iha Lahane.
Hafoin lee sai akuzasaun hirak ne’e, juis prezidente husu ba arguida atu fo nia deklarasaun iha tribunal maibe iha altura ne’eba nia hili nonok deit.
Iha parte seluk, juis prezidente mos husu ba lezadu atu fo nia deklarasaun iha tribunal e altura ne’eba nia hili koalia hodi dehan nia la adolteiru ho feto seluk.
“Hau mai tarde tanba iha momentu ne’eba macet, ne’e mak hau mai tarde,” nia deklara.
Maibe agora, nia hateten sira nain rua diak malu ona tanba rezolve ona iha familia.
Hafoin rona tiha deklarasaun hirak ne’e, juis prezidente deside fo pena suspensaun tinan ida ba arguida.

E-mail Subscription

Enter your email address:

    Poll

    Nothing found!

    Follow us on Twitter