Domingo, Fevereiro 25, 2018
Total visitors: 197063

Membrus Batalhaun Orden Publiku (BOP) nain 39 tuir formasaun baziku kona ba servisu orden publiku molok ba hala’o servisu iha baze iha komunidade nia le’et.

Membrus BOP 39 tuir formasaun baziku kona ba servisu orden publiku nian antes tuun ba servisu iha komunidade nia le’et.

Komandante Jeral Polisia Nasonal Timor-Leste (PNTL), Komisariu Julio da Costa Hornai hatete formasaun ne’e ho objetivu atu kapasita sira ho informasaun baziku e antes entrega ba unidade, sira tenke hatene lolos sira nia knar.
“Ajente BOP nain 39 ne’ebe simu graduasaun ohin sei reforsa tan efetivu Unidade Espesial liu-liu iha BOP hodi asegura eleisaun Parlamentar no atividades seluk ne’ebe maka presiza sira nia apoiu,” nia dehan, iha Dili.
Aende ne’e, nia dehan formasaun ida ne’e sai mos papel fundamental ba PNTL e kursu ida ne’e hanesan kursu espesial ba sira atu kontrola disturbiu sivil iha ambitu misaun hodi mantein no estabelese orden publiku hodi dezenvolve kompetensia no komportamentu ne’ebe espesifiku ba hala’o funsaun.
Nia hatete, komando sosa ona ekipamentus no iha tempu badak sei halo distribuisaun.
Iha parte seluk Komandante Unidade Espesial da Polisia, Superintendente Xefe Afonso dos Santos hatete, formador ba formasaun ne’e mai husi Guarda Nasional Republikana (GNR) inklui instructor UEP e formasaun ne’e hala’o durante fulan tolu.
Hafoin gradua, nia dehan ajente hirak ne’e sei koloka ba pletaun de apoiu no wainhira elisaun parlamentar hotu, sei fahe fali sira ba kompania Bravo iha Baucau no Delta iha Bobonaro.
Iha parte seluk Membru Komisaun B (seguransa, defeza, negosiu estrangeirus), Cesar Valente hatete formasaun ne’e importante atu membru sira bele hatene lolos sira nia knar, inklui oinsa bele servi komunidade ho diak iha baze.
“Sira tenke hatene lolos sira nia knar ne’e saida, no saida mak sira halo wainhira iha komunidade nia le’et,” nia dehan.
Tanba iha polisia balun, nia dehan dala ruma baku no ameasa fali komunidade, ne’e lolos labele akontese, tanba sira (polisia) nia knar mak prevene konflito no asegura povu hosi perigu.

  • Qua
    Fev
    21
    2018
    MdS-Parseirus Realiza Kampanha Nasional Saude Maternu Infantil no Nutrisaun
    Ministerio da Saude ho parseiru sira sei hala’o kampanha nasional kona ba saude maternu infantile no nutrisaun nian durante tinan tomak, hodi hasa’e konesementu no konsiensia komunidade sira nian atu ...
  • Qua
    Fev
    21
    2018
    Pasientes Matan 117 Halo Operasaun Ba Matan
    Iha fulan Janeiru nia laran, Sentru Nasional Matan halo ona operasaun matan ba ema nain 117, maioria katarak no problema matan sira seluk. Pasiente matan hamutuk 117 mak konsege halo operasaun ba m...
  • Qua
    Fev
    21
    2018
    Merenda Eskolar La La’o Tanba Laiha Orsamento
    Desde tama tinan foun 2018, Janeiru to’o agora programa merenda eskolar seidauk la’o iha eskola sira tanba laiha orsamentu. Diretor Belchior Maria Barros hateten programa merenda eskolar to’o agora...
  • Qua
    Fev
    21
    2018
    Asidente Trafiku Iha Fulan Janeiro Hamutuk 146
    Diretor Tranzito Nasional, Inspektor Xefe Polisia Antonio Soares hateten total asidente trafiku ne’ebe mak akontese iha munisipiu sira inklui Dili durante fulan Janeiro hamutuk 146 kazus. Total asi...
  • Qua
    Fev
    21
    2018
    PNTL Prende Motor 43 Iha Valentine’s Day
    Iha loron domin nian (valentine’s day) 14 Fevereiru, Polisia Tranzito Munisipiu Dili prende motorizadas hamutuk 43 tanba motorista sira viola regras tranzito nian ne’ebe iha. Polisia Tranzito husi ...

E-mail Subscription

Enter your email address:

    Poll

    Nothing found!

    Follow us on Twitter