Banin Baku Nia Feto Foun

Tribunal Munisipal Dili (TMD) hala’o julgamentu ba kazu ofensas integridade simples ne’ebe involve feto foun (lezada) ne’ebe hetan baku husi nia banin feto (arguida) tanba deit hakilar nia.

Tuir akuzasaun husi Ministeriu Publiku ne’ebe lee sai husi juis prezidente, katak iha loron 12 Fevereiru 2016 lezada hirus malu ho nia la’en kona ba osan ne’ebe nia la’en fo la kompletu, iha diskusaun ne’e lezada nia la’en
nonok deit maske lezda hirus e siak nia.
Hafoin hirus malu, lezada sai ba liur hodi prepara hahan ba jantar nian, maibe arguida (banin) hirus fali lezada hodi dehan “labele hirus hau nian oan tanba servisu kolen, lori osan mai simu nonok deit ona”, maibe iha altura
ne’eba lezada nonok deit no la preokupa.
Tanba haree lezada la preokupa, entaun arguida hasai tan liafuan ne’ebe soke lezada nia laran, nune’e nia hirus no hakilar arguida tanba la simu, arguida hamrik hodi baku lezada iha kotuk laran no dada lezada nia fuuk.
Hafoin lee sai akuzasaun hirak ne’e, juis prezidente husu ba arguida atu presta nia direitu hodi hili koalia ou nonok, maibe arguida hili koalia hodi dehan, momentu nia halo aktu ne’e tanba nervozu no nia baku lezada nudar
oan ida hodi eduka.
“Hau hirus hanesan oan ida, hau hanesan atu hanorin deit, laiha odiu,” arguida deklara, iha tribunal.
Iha fatin hanesan, juis mos husu ba lezada atu fo nia deklarasaun hodi deklara katak nia perdua ona arguida.
Hafoin rona tiha deklarasaun husi parte rua, tribunal foti desizaun hodi fo pena administrasaun ba arguida.