Sexta, Fevereiro 23, 2018
Total visitors: 196818

Asosiasaun Safety Drive Timor –Leste (ASD-TL) konsidera numeru asidente trafiku kontinua aas, tanba implementasaun lei tranzitu seidauk forte (rigorozu) no motorista barak laiha responsabilidade moral utilize estrada.

Tuir Asosiasaun Drive TL, katak numeru asidente trafiku kontinua aas tanba implementasuan lei tranzitu seidauk maximu.

Prezidente ASD-TL, João G. Tilman hateten lei tranzitu ou kodigu estrada forte tebes, maibe implementasaun mak seidauk forte tanba iha buat balun ne’ebe iha lei bandu, realidade kontinua.
“Implementasaun lei ne’e mak tenke rigorozu, ita koalia bandu tenke bandu dunik, ita haree la tau kapasete mos halai tama sidade laran, selu deit osan hodi hetan karta kondusaun, ne’e mak problema,” nia hateten iha Hotel Vila Verde, Dili.
Nia dehan, atu sai motorista ida ne’ebe diak tenke iha konesementu klean kona ba lei tranzitu, funsaun veiklu hanesan espelho, lampu no tenke iha responsabilidade moral katak respeita ema seluk.
Nia sujere, ba iha instituisaun relevante ne’ebe fo karta kondusaun tenke kontrolu no fo ezame ida ne’ebe rigor ba iha motorista sira.
Portantu, dadus Ospital Nasional Guido Valadares (HNGV) iha tinan 2015 registu kazu asidente trafiku hamutuk 1664 no iha tinan 2016 sa’e ba 1739.
Entretantu, Xefe Departamentu Moras Lahada’et Helder Juvinal Ministerio Saude servisu hamutuk ho Australia liu husi AusAid estabelese unidade ambulansia iha munisipio sira hodi responde ba iha kazu emergensia sira hanesan asidente trafiku.
Nia dehan, asidente trafiku sai preokupasaun bo’ot iha mundu no iha Timor –Leste, tanba numeru mortalidade asidente trafiku kada tinan aas.
“Konsekuensia husi asidente trafiku mak ita bele hetan defisiente temporario no permanente ne’ebe halo ita nia fisikamente la funsiona ho diak, entaun fo impaktu ba ekonomia,” nia hateten.
Nia hateten, realidade iha Timor –Leste motorista kareta no motor barak mak hetan asidente trafiku tanba hemu lanu no atrapalha ho fuma sigaru.
Iha parte seluk, estudante Samuel Xavier Correia hateten importante atu sosializa informasaun barak liu tan ba iha sosiedade kona ba konsekuensia husi asidente trafiku, atu sira bele konsiente hodi prevene aan.
Nia konkorda, atu parte kompetente implementa lei ho diak, liu –liu fo sansaun ne’ebe merese ba motorista sira ne’ebe viola lei, eduka sira labele repete beibeik hahalok hirak ne’ebe risku ba asidente.
“Buat ne’ebe ami hetan no hatene ami sei fahe fali ba ema seluk hodi nune’e sira bele utiliza estrada ho responsabilidade,” nia hateten.

  • Qua
    Fev
    21
    2018
    MdS-Parseirus Realiza Kampanha Nasional Saude Maternu Infantil no Nutrisaun
    Ministerio da Saude ho parseiru sira sei hala’o kampanha nasional kona ba saude maternu infantile no nutrisaun nian durante tinan tomak, hodi hasa’e konesementu no konsiensia komunidade sira nian atu ...
  • Qua
    Fev
    21
    2018
    Pasientes Matan 117 Halo Operasaun Ba Matan
    Iha fulan Janeiru nia laran, Sentru Nasional Matan halo ona operasaun matan ba ema nain 117, maioria katarak no problema matan sira seluk. Pasiente matan hamutuk 117 mak konsege halo operasaun ba m...
  • Qua
    Fev
    21
    2018
    Merenda Eskolar La La’o Tanba Laiha Orsamento
    Desde tama tinan foun 2018, Janeiru to’o agora programa merenda eskolar seidauk la’o iha eskola sira tanba laiha orsamentu. Diretor Belchior Maria Barros hateten programa merenda eskolar to’o agora...
  • Qua
    Fev
    21
    2018
    Asidente Trafiku Iha Fulan Janeiro Hamutuk 146
    Diretor Tranzito Nasional, Inspektor Xefe Polisia Antonio Soares hateten total asidente trafiku ne’ebe mak akontese iha munisipiu sira inklui Dili durante fulan Janeiro hamutuk 146 kazus. Total asi...
  • Qua
    Fev
    21
    2018
    PNTL Prende Motor 43 Iha Valentine’s Day
    Iha loron domin nian (valentine’s day) 14 Fevereiru, Polisia Tranzito Munisipiu Dili prende motorizadas hamutuk 43 tanba motorista sira viola regras tranzito nian ne’ebe iha. Polisia Tranzito husi ...

E-mail Subscription

Enter your email address:

    Poll

    Nothing found!

    Follow us on Twitter