Sexta, Março 29, 2024
Total visitors: 766366

Unidade Polisia Maritima (UPM) sei fo formasaun baziku ba membrus foun 22 ne’ebe foin lalais simu graduasaun, iha Akademia Polisia Comoro, Dili.

Unidade Polisia Maritima sei fo formasaun baziku ba membrus foun nain 22 kona ba nani tasi nian no seluk tan ne’ebe relevantes ho servisu maritime nian.

Adjuntu Komandante UMP, Joao Cesar da Silva hateten membrus foun 22 ne’ebe destaka ba unidade ida ne’e, sira sei mai aprezenta aan hodi sir abele tuir formasuan ida ne’e.
Objetivo husi treinhamento ne’e, nia dehan atu sira bele kumpri didiak dutrina marina nian ne’ebe mak unidade ne’e iha.
“Treinhamneto baziku mak hanesan tenke hatene nani, prontu atu bokon, prontu atu isin metan no pronto atu infrenta situasaun saida deit iha tasi, pronto atu mate, sira kumpri hirak ne’e mak foin bele sai membro maritime,” nia hateten.
Nia dehan, treinamento ne’e sei hala’o durante fulan tolu, se mak kumpri dutrina hirak ne’e mak bele sai membro unidade ida ne’e nian no hodi hili sira tuir ida-idak nia espesialidade.
Tanba ne’e, nia dehan, tuir planu sira sei harii tan postu komando Unidade Polisia Maritima ida iha parte sul Betano hodi koloka membro sira ne’eba.
Maibe, nia dehan ekipamentus ne’ebe sira uza hodi halo patrulhamentu ne’e la sufsiente tanba sira nia lansa ne’e ki’ik ne’e 16 no ro bo’ot Lusitania ida.
“Kuandu ami halo patrulha iha tempo tasi bo’ot, ne’e ami labele to’o iha Com, fronteira Batugede, por volta de Ilha Atauro ne’e ami labele halo koperasaun to’o iha ne’eba, tanba ami nia lansa patrulha ne’e ki’ik deit,” nia informa.
Nia hateten ,iha 2017 ne’e sira halo patrulhamentu rutina ne’e ladun tanba lansa mos aat mak barak , maibe agora ne’e manutensaun hotu ona.
Entretantu Membru Parlamentu Komisaun B, Jacinto Viegas hateten ekipamentos ne’e sai problema ba sira ne’e desde uluk to’o agora.
“Ita nia riku soin barak iha tasi laran, ne’ebe sira presiza ekipamentos ne’ebe sufsiente atu bele halo patrulhamentu, e ita nia tasi ne’e luan hahu husi Oe-Cusse ba to’o Ilha Jaco fila-fali ba Suai,” nia hateten.
Nia dehan, sira presiza ekipamento ne’ebe mak diak atu bele halo patrulhamentu iha area tasi nian no roo ne’ebe agora sira uza ne’e la sufsiente hodi sira kobre area maritime hotu.
Nia espera, governu foun mai bele haree asuntu ida ne’e,la’os tasi deit maibe mos area fronteira terestres mos.
“Liu-liu ba fasilidade para sira halo serviso komunikasaun, atu nune’e sira bele iha vontade atu halo serviso,” nia esperansa.