Polisia Tranzitu Temporariumente Hapara Atividade Cek Point

Polisia Nasional Tranzitu (PNT) temporariamente hapara atividade cek point iha estrada ba motor no kareta sira,tanba sira sei siaga satu ho disturbiu ne’ebe mosu iha capital Dili no iha Distritu balun.

“Sementara waktu seidauk halo atividade cek point tanba membru sira ne’e simu orden atu halo alerta hotu, e agora seidauk iha pencabutan kona ba alerta ne’e, ne’e duni ami seidauk halo atividade cek point,” dehan Komandante Tranzitu Nasional, Inspector Xefe Antonio L.C. Soares, foin lalais iha Kaikoli, Dili.
Komandante ne’e afirma, atividade cek point normal fali, depois de forma V Governu Konstitusional.
Entertantu tuir Deputadu Mateus de  Jesus, ida ne’e kondisaun ne’ebe normal, nune’e sir abele focus ba situasaun iha rai laran.

“Hau hanoin katak ita nia polisia sei focus hela ba situasaun rai laran ne’ebe maka iha Domingu semana rua liu ba ladun diak,” Deputadu ne’e apoia.