Polisia Sei Halo Operasaun Ba Jogu Illegal

Atu prevene labele buras liu tan jogus ilegais iha komunidae sira nia le’et, Polisia sei halo operasaun ba jogus illegal iha rai laran, liu-liu iha capital Dili.

“Jogu ida rua maka konsidera hanesan jogu illegal, ne’e duni polisia sei halo operasaun ba ida ne’e, agora dadaun informasaun kona ba jogu sira ne’e tama mai hela iha polisia, no agora dadaun halo hela analiza iha parte intelijen,” dehan Komandante Operasional, Superintendente Xefe Armando Monteiro, (31/07), iha Parlamentu Nasional, Dili.
Maibe antes ne’e, polisia sei halo uluk sosializasaun kona ba Rezolusaun 30/2002 ne’e, ba joventude sira no komunidade en jeral hodi labele involve aan iha jogu ne’ebe illegal.
Entertantu Deputadu Mateus de Jesus dehan, ida ne’e planu ne’ebe diak no pozitivu, nune’e bele redus jogu illegal iha rai laran.

“Uluk jogu sira ne’e diakui oleh pemerintah, maibe dala barak liu jogu sira ne’e kria fali konflitu, e governu haruka taka tiha,maibe sira loke fali, entaun polisia tenke razia,” Deputadu ne’e dehan.
Deputadu ne’e mos husu ba polisia wainhira ba halo operasaun karik, tenke ho profesional, atu nune’e labele kria fali konflitu iha komunidade leet.