Asegura elisaun, PNTL sei kolabora ho komponentes hotu

Komandante do Komanndo Operasional Nasional, Polisia Nasioanl Timor-Leste, PNTL, Superintendente Xefe Armando Monteiro, hateten atu asegura komunidade iha tempu elisaun, PNTL sei kopera hamutuk ho autoridade lokal,media, STAE inklui mos fo direitamente apoiu seguransa ba komando distritais.

“Elisaun iha tinan ida ne’e sistema seguransa sei diferente ho seguransa iha tempu elisaun iha tinan hirak kotuk ba tanba iha tinan ida ne’e espesial operasional. PNTL fo diretamente apoiu seguransa operasional ba komando distritais alende ne’e PNTL mos koopera

hamutuk ho autoridade local sira, media, no STAE,” informa Komandante do Komando Operasional Nasional Superintendente Xefe Monteiro, semana kotuk (10/01) iha PNTL Kuarter Jeneral, iha Kaikoli, Dili.
Iha parte seluk Deputadu Jose Texeira, FRETILIN, hateten atu elisaun bele la’o ho paz no estabilidade partidus hot-hotu tenke kompromete sira nia aan ho diak.

“Sei ita atu hetan ambiente ida paz no estabilidade durante periode elisaun ne’e partidu hotu-hotu tenki kompremete nian an, tenki komporta nia an ho diak, sukat nia lia fuan nomos halo klaru ba sira nia militantes katak partidu ne’e la tolera violensia,”nia dehan.
Tuir nia, iha Timor-Leste violensia ne’e so mosu kuandu bo’ot ruma hakarak hamosu violensia, e partidu bo’ot sira lakohi violensia atu mosu tan iha rai ne’e tanba kuandu se paz laiha, estabilidade laiha, entaun dezenvolvementu mos laiha.