Hein deit, Hein deit
Hein deit tanba important ba o atu Hein deit
Hein deit, Hein deit
Hein, Hein, Hein
Saugate karik
Ema ida la koalia buat ida
Hein deit

Leia mais...

Iha Sabado 12 Novembru iha Sydney, Australia, serimonia emosional ida halao iha ai-hun figus nia okos iha kampus Universidade Universidade NSW (New South Wales), Australia, atu komemora memoria estudante internasional Kamal Bamadhaj no juventude Timoroan ne’ebe mate iha trajedia Massakre Santa Cruz vinte anos liu ba.
Kamal moris iha Malasia no nudar sidadaun mundu nian. Ni empenhu nudar estudante aktivista kona ba assuntu direitua humanus hahu molok iha ba estuda iha Universidade NSW iha 1990 no nia liu hosi Yogyakarta no Bandung, no Indonesia, iha ne’ebe nia partisipa ho estudantes no tos-nain sira kona ba movimentus justisa sosial no iha tinan ne’e duni ina mai Timor-Leste.

Leia mais...

Ita ukun rasik aan ona ka
Timor-Leste ukun rasik ona ka
Lor-loron la iha assessu ba tempu atu koalia
Tempu atu konekta
Atu komunika atu interaje
Nega ita nia liberdade atu bele koalia
Ba distansias bo’ot
Iha mundu liur real
Mundu besik oan hela
Iha Timor-Leste ami nia mundu

Leia mais...

Koalia ho hau
La os ba hau
Muda o nia atitude primeiru
Komunika ho hau
La os komunika ba hau
Koalia ho hau
La os ba hau
La os koalia deit ba o rasik
La os koalia deit ba sira hanesan o
O hakarak hau atu muda hau nia atitude
Premiru o presiza muda o nia atitude rasik
Karik hau la komprende o
Oinsa bele hau ba oin
Karik o la komprende hau
Oinsa bele o ba oin
Muda attitudes
Hahu hosi muda ita nia rasik
Nune ita sei bele koalia duni hasoru malu
Nune bele ita komprende malu
Nune bele iha ba oin
Atitudes, on nia-hau nia hotu
If The Hat Fits Poetry © TDW2011

Telefona ka haruka sms karik impossivel ba maioria Timoroan iha rai laran ho exsepsaun (kecuali) ba sira ne’ebe iha servisu ida ne’ebe selu ossan boot ka servisu ida ne’ebe selu aas liu salariuo minimu $86 fulan ida selai barak liu uza barak liu mak servisu 8888+numero telefone para atu husu ema seluk mak telefona fali ba sira. Maibe servisu ne’e mos bele deit uza ba dala 10 selai azar, husu empresta deit kolega nia telefone.

Ho salariu minimu $86/fulan ema ida halo aproximadamente $3.90/loron ida (86 divide ho loron ofisial 22 iha fulan ida nia laran). Ida ne’e traduz ba Tranzaksaun Timor Telcom nian, it bele hetan horas 1 internet $1 wainhira uza modem portatil, restu $2.90, karilk ita uza tan $1 atu telefona no sms iha loron ida.

Leia mais...

Buka nia sapatu
Buka ba vinte anos ona
Ema ruma haree nia sapatu, Ema ruma haree hau nia oan feto
Tuku 3 lokraik lor-loron
Hau mai iha Santa Cruz
Buka nia
Iha rate nia Cruz barak nia le’et
Atu fo hanoin ba hau katak karik nia deskansa hela
Ka hein hela hau iha fatin seluk ruma
Atu lori nia fila fali mai nia uma
Ema ruma haree nia sapatu, Ema ruma haree hau nia oan feto
Ba vinte anos hau buka nia
Ba vinte anos ona hau hein Justisa
Justisa ba hau nia oan feto
Justisa ba Timor-Leste.
If The Hat Fits Poetry © TDW2011