Terça, Março 09, 2021

Total eleitores foun ne’ebe kompleta sira nia idade 17 anos no prontu atu ezerse sira nia direitu iha loron votasaun iha elisaun antisipada (12 Maiu) hamutuk nain 22.222 tuir dadus Sekretariadu Tekniku Administrasuan Eleitoral (STAE) nian.

Total eleitores ne’ebe kompleta halo tinan 17 no tuir votasuan iha elisaun antisipada agora ne’e hamutuk nain 22.222.

Diretor Jeral STAE, Acilino Manuel Branco hateten total eleitor nasional no estrangeirus ne’ebe registu iha baze hamutuk 787,761, maibe iha nain 784,286 (inklui ona 22,222) mak eligibel (direitu) ba vota no nain 3,475 mak seidauk bele vota tanba iha loron elisaun seidauk kompleta tinan 17.
“Ita nia lei resensiamentu numeru 6/2016, hateten sidadaun sira bele registu bainhira idade tinan 16 ba leten, maibe atu ezerse direitu votu tenke kompleta tinan 17 iha loron votasaun, ne’e regula iha lei elisaun parlamentar numeru 9/2017,” nia hateten iha servisu fatin Kaikoli, Dili.
Nia dehan, preparasaun teknika kuaze kompletu ona tanba kabina votu iha ona, tinta mos to’o ona iha Timor, falta deit urnas no bulletin votus ne’ebe sei imprimi hela, maibe garantia sei kompleta antes loron elisaun.
Nia hateten, tuir lei total buletin votus bazeia ba numeru eleitores no sei iha aumenta 10% ne’ebe agora dadaun imprime hela iha Empreza Nasional Timor –Leste, tuir planu sei entrega iha loron 4 fulan Maio.
Nia informa, sentru votasaun ne’ebe sei funsiona iha nasional hamutuk 876 no estasaun votus 1151 no iha rai liur hanesan Portugal, Australia, Korea do Sul, Irlandia do Norte, Reino Unido hamutuk sia (9).
Iha parte seluk Prezidente Alumni Parlamentu Foinsa’e, Zulino Gomes hateten sira iha koperasaun ho Comisaun Nasional Eleisoens (CNE) no STAE atu halo edukasaun sivika ba foinsa’e sira atu sira iha konesementu no prepara aan ba fo sira nia votu.
“Ita presiza enkoraja foinsa’e sira nia partisipasaun iha prosesu eleitoral atu bele halo desizaun ida ne’ebe lolos no diak ba distinu estado nian,” nia hateten
Nia husu mos, ba joven sira atu partisipa ativu iha atividade kampania sira rona no avalia politiku sira nia programas sai hanesan referensia ida atu halo desizaun ne’ebe diak iha loron votasaun.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04