Sábado, Dezembro 05, 2020
Total visitors: 539094

Sekretariadu Tekniku Administrasaun Eleitoral (STAE) hala’o edukasaun votante ba estudante Universidade Nasional Timor-Lorosa’e (UNTL) esplika kona ba oinsa lala’ok vota nian ba sira.

STAE hala’o edukasaun votante ba estudante universidade UNTL kona ba lala’ok elisaun nian molok ba tuir votasaun.

Xefe Departementu Edukasaun Eleitoral no Formasaun iha STAE, Carcelores Ximenes hateten sira presiza hatene lala’ok votasaun nian, nune’e bainhira ba vota, sira la konfuzaun ona.
“Lolos, ita tenki uza prego ho lapizeira mak tuu ga vistu tiha, maibe akontese be-beik iha sentru votasaaun votantes balun uza lamina hodi koa, balun uza sigaru sunu, balun uza liman deit les halo kuak bo’ot, se ita halo hanesan ne’e, ne’e la vale,” nia hateten, iha Dili.
Entaun, nia dehan informasaun ida ne’e importante tebes ba votante sira, atu sira iha konesementu, saida mak presiza lori iha loron votasaun, votasuan hahu no remata tuku hira no oinsa mak sira bele vota ho lolos.
“Ita fo hanoin ba sira, atu sira partisipa iha votasaun hodi hasa’e tasa partisipasaun e bele redus votu nulu ho branco,” nia afirma.
Portantu, nia dehan votasaun iha loron elisaun sei hahu iha tuku 6:00 dader to’o 15:00 (loraik) e iha posibilidade bele liu oras ne’ebe determina ne’e, depende ba numeru eleitores.
Enkuantu Estudante Universidade Nasional Timor-Leste, Justino Pereira hateten edukasuan votante ida ne’e diak tebes tanba ajuda loke sira nia pensamentu no konesementu kona ba lala’ok votasuan nian.
“Hau orgulho tebes ho informasaun ne’ebe STAE fahe mai ami estudantes, tanba dala barak akontese votu nulu ho branco ne’e iha kualker elisaun,” nia hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04