Sábado, Dezembro 05, 2020
Total visitors: 539094

Povu husu lider Partidu Politiku no Partidu Koligasaun Partidaria sira atu respeita no simu rezultado ne’ebe povu deside ona liu husi elisaun antisipada ne’ebe hala’o iha loron 12 fulan Maio ne’e.

Povu husu lider Partidu Politiku no Partidu Koligasaun Partidaria sira atu respeita no simu rezultado ne’ebe povu deside ona ho fuan boot.

Komunidade Farol, Saturnino Soares Vicente hateten povu hala’o ona nia dever tuir elisaun fo votus hodi harii sustentabilidade nasaun nian.
Alende ne’e, nia dehan responsabilidade povu nian ida tan mak garantia paz no estabilidade, maibe fila ba lider politiku sira tenke simu rezultado ne’ebe deit mak povu deside hodi asegura paz no estabilidade.
“Importante, lider sira tenke simu kualker rezultado ne’ebe iha no ita hotu nia hakarak mak paz no estabilidade,” nia hateten iha Farol.
Entretantu, komunidade Lorenço do Santos Fatima espera katak partidu ne’ebe hetan fiar bele forma governasaun ida ne’ebe forte, atu bele iha orsamentu hodi halo dezenvolvimentu iha rai laran.
“Importante orsamentu ne’e iha hodi halo dezenvolvimentu iha ita nia rai laran, tanba povu lor-loron hakilar mak falta bee moos, estrada aat,” nia hateten
Nia husu, ba partidu politiku sira atu garantia paz no estabilidade iha rai laran,povu hakarak moris hakmatek hodi hala’o sira nia servisu lor-loron atu iha rendimentu ruma ba sustentabilidade familia.
Iha parte seluk, Diretor Organizasaun Luta Hamutuk Jose da Costa hateten rezultado elisaun mosu dadaun ona, maibe importante mak partidu rua no koligasaun partidaria rua ne’ebe hakat liu ona bareira 4% atu tur hamutuk
hodi harii governasaun ida ne’ebe diak no dura ba tinan lima mai.
Nia dehan, husi rezultado provizorio ne’ebe fo sai hatudu partidu politiku no koligasaun partidaria hat mak liu ona bareira 4%, hanesan Partidu koligasaun patria Alianca Mudansa ba Progressu (AMP), Partidu FRETILIN, Partidu
Demokratiku no partidu koligasaun partidaria Frente Dezenvolvimentu Demokratiku (FDD).
“Tenke firme nafatin ho sira nia promesa sira, labele uza oportunidade ida ne’e fahe kadeira ba malu hodi halo kontenti malu, la servi povu ho diak, ida ne’e mak ita nia lia menon,” nia hateten.
Nia mos, husu ba partidu politiku no partidu koligasaun partidaria ne’ebe sei manan iha elisaun antisipada tinan ne’e (2018), atu labele hatama fali membru governu sira ne’ebe halo ona eru ruma iha governasaun anterior sira,
atu povu sente satisfas.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04