Sábado, Dezembro 05, 2020
Total visitors: 539094

Observadora Internasional husi grupo Universidade Vitoria Australia, Hel en Mary Hill hateten iha elisaun antesipada parlamentar tinan ida ne’e, ema barak mak la tuir votasuan tanba lei limita ema.

Observadora Internasional husi grupo Universidade Vitoria Australia, Hel en Mary Hill hateten iha elisaun antesipada parlamentar tinan ida ne’e, ema barak mak la tuir votasuan tanba lei limita ema.

Hanesan akontese iha Ospital Nasional Guido Valadares (HNGV), nia observa katak pasientes inklui mediku sira ne’ebe hala’o knar iha loron votasaun (12 Maio) labele ezerse sira nia direitu, tanba naran la tama lista.
“Saida maka ne’e, sera que lei elisaun ne’e maka sala ou komunikasaun mak ladun apropriadu ba iha manajementu ospital nian,” nia hateten, iha Ofisio The Dili Weekly, Dili.
Tuir lolos, nia dehan iha lei elisaun ne’e tenke fo kondisaun ba iha mediku sira ne’ebe servisu iha sala emergensia iha loron elisaun.
“Observador sira bele vota iha ne’ebe deit iha loron elisaun, maibe tanba sa mak mediku, infermeira/o no pasiente sira labele,” nia kestiona.
Tanba ne’e nudar observadora internasional, nia rekomenda ba governu foun mai atu hadia lei elisaun ida ne’e, tanba limita ema liu-liu hanesan medikus, enfermeira, pasientes e mos ba polisia sira ne’ebe hala’o knar iha
loron elisaun hodi tuir votasuan.
Eleitores 599, kompostu husi pasiente ho familia hamutuk 454, profesional saude nain 145 mak la tuir votasaun iha loron elisaun 12 Maio 2018, iha HNGV.
Portantu iha lei eleitoral, hateten ona katak kada votasaun ambulatoriu sira (Ospital Nasional, Ospital Referal sira inklui Prizaun sira), tenke submete lista votantes ba STAE 10 dias molok tama ba loron elisaun.
Enkuantu iha dekretu Lei No. 4/2018, hateten ema ne’ebe iha direitu atu tuir votasuan iha loron votasaun, sira nia naran tenke tama iha lista.
Alende ne’e, nia dehan Timor-Leste mos sei hasoru problema kona ba teknolojia informasaun no komunikasaun ne’ebe difikulta ema atu asesu informasaun.
“Rede internet ladun servisu ho diak iha nasaun ne’e, liu-liu iha loron elisaun, difikulta ema asesu informasaun via komputador,” nia hateten.
Entretantu total observador internasional husi nia grupo hamutuk nain 30, husi numeru ne’e nain lima ema Timor oan.
Observadora Nasional husi grupo Fundasaun Alola Maria Evelin Emma hateten sira konsege identifika buat balun hanesan eleitor uza atributu partidus ba tuir votasaun.
“Iha eleitor feto ida mai vota uza faru partidu nian, nia vota liu tiha ona no ida seluk mak data moris iha kartaun eleitoral diferente ho lista iha STAE nian, entaun prezidente da meja deside nia bele vota ho kondisaun halo
reklamasaun,” nia hateten.
Nia dehan, polisia atua kedas ba eleitor feto ida ne’ebe uza atributu partidu nian ba tuir votasaun.
Enkuantu elisaun antesipada ne’ebe hala’o iha 12 Maio, sentru votasuan sira iha teritoriu tomak hahu loke iha tuku 7:00 no remata iha tuku 15 :00 tuir orariu ne’ebe fo sai husi STAE.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04