- Publika iha: 11 Julho 2011
Durante halo operasaun iha Junu nia laran Unidade Polisia Tranzito konsege prende kareta 9 tanba dokumentus la kompletu.
“Sim, ami prende kareta 9 tanba balun karta kondisaun matetiha, balun karta kondisaun falsu, balun tanba uja reben metan e balun mo stanba taxista la uja farda,”hateten Komandante Unidade Polisia Tranzito, Inspektur Xefe Antonio Soares, semana kotuk iha Kaikoli,Dili.
Alende ne’e, nia hatutan iha operasaun ne’e sira mos konsege prende karta ne’ebe liu prazu iha rua, karta kondisaun latuir kategoria iha 4, karta kondusaun falsu iha 1, taxi uja reben 1, la uja lampu iha 1 no taxista la uja farda iha 24 inklui dokumentus iha 37.
Tuir nia, dokumentus no kareta ne’ebe prende entrega fila-fali ba nia nain bainhira selu tiha multa iha Diresaun Nasional Transporte e Terestres (DNTT).
“Kona-ba selu multa depende tabela ne’ebe determina ona husi DNTT, ba sira ne’ebe mak karta kondusaun la tuir kategoria, ten ser trata fila fali karta kondusaun ne’ebe mak tuir kategoria,”nia afirma.
Entretantu tuir Xefe SEksaun Tranzito DNTT, Florentina Sarmento, katak motorist hotu-hotu, tanba privada ka publiku tenke iha karta kondisaun, se la’e hetan multa.
“Laiha karta kondisaun, sei tama kadeia tinan 2,”nia dehan.
Iha parte seluk taxista Lorenso Magalhaes, husu ba polisia ho DNTT atu kontinua halo operasaun ba kareta ne’ebe mak sirkula iha kapital Dili tanba barak mak laiha karta kondisaun.
“Liu-liu taxi, barak mak dokumentus mate ona no kondutor barak mak seidauk kumpri atu uza farda e polisia tenke prende kondutor ne’ebe mak la kumpri,”nia sujere.
