Sábado, Novembro 27, 2021
Total visitors: 592977

Sentru ART Limitadu Dificulta Tratamentu Ba Pasiente HIV

Published: Novembro 26, 2021
Sekretariu Ezecutivu Komisaun Nasional Kombate HIV/SIDA, Atanasio de Jesus hateten tratamentu...

CNC Asegura Dokumentu Historiku 25,000 Ho Digitalizasaun

Published: Novembro 26, 2021
Centru Nasional Chega (CNC) asegura ona dokumentu historiku hamutuk 25,000 ho sistema...

TL Adopta Estratejia ABC Ba Prevensaun HIV/SIDA

Published: Novembro 26, 2021
Sekretariu Ezecutivu Komisaun Nasional Kombate HIV/SIDA, Atanasio de Jesus hateten Timor-Leste...

Governu Aprova Transforma Ilha Atauru ba Munisipiu Da-14 iha TL

Published: Novembro 19, 2021
Governu liu husi enkontru Konselhu dos Ministrus aprova transformasaun Ilha Atauru ba munisipiu...

AIFAESA Hasa’e Ritmu Kontrolu Presu Nesesidade Bazika Iha Merkadu

Published: Novembro 19, 2021
Diretur Deparatmentu Operasaun, iha Autoridade Inspesaun no Fiskalizasaun Atividade Ekonómika,...

Sosiedade Sei Menus Konhesementu Ba Sintomas Moras TBC

Published: Novembro 19, 2021
Jestor Klinika Bairo Pite (KBP), Inácio dos Santos hateten metade husi populasaun sei menus...

Timor-Leste iha ona nia Primeiru Ministru foun, doutor mediku Dr. Rui Maria de Araujo, ne’ebe sei lidera membru nain 38 Governu Konstitusional ba Dala 6 Timor-Leste nian to’o iha Eleisaun Lejislativa foun iha 2017.

Maske membru hosi partidu opozisaun FRETILIN la os pertense ba partidu Koligasaun – CNRT, PD no Frente Mudansa – neebe kompoe Kinto Governu Konstitusional, Primeiru Ministru Araujo hatete governu foun ne’e sei reprezenta unidade nasional.

“Nudar privilejio ida hamrik iha governu ne’e nia oin, governu ne’ebe ikus fali reprezenta unidade nasional no konsensu politiku,” hateten Primeiru Ministru Araujo liu hosi nota imprensa, semana foin liu, hafoin reuniao ho Prezidente Taur Matan Ruak (TMR), iha Dili. 

Dr. Rui Araujo substitui nudar Primeiru Ministru, lider rezistensia istoriku Kay Rala Xanana Gusmão ne’ebe hatama nia surat rezignasaun ba Prezidente TMR atu loke dalan ba jerasaun foun lideransa atu bele lidera nasaun ba oin.

FRETILIN hateten katak sei la opoe ka impede Dr Rui Araujio atu lidera governu foun ne’ebe kompostu barak liu hosi membru koligasaun nian.

“Ita nia Maun Bo’ot Xanana rasik mak konvida nia [Dr. Rui Araujo] atu truka nia nudar Primeiru Ministru Timor-Leste tanba nia ema ida kapasidade,” hatete Deputada FRETILIN Josefa Alvares Pereira Soares.

Deputada Soares hatete Dr. Araujo nudar Primeiru Ministeru sei la reprezenta partidu FRETILIN maibe sei lori nasaun nudar Timoroan ida ne’ebe hakarak kontribui ba dezenvolvimentu nasional nian.

“Iha FRETILIN nia Kongressu, ami desidi katak sei la impede ema ida atu kontribui ba dezenvolvimentu nasaun nian.”

Kay Rala Xanana Gusmão maske la os ona Primeiru Ministru sei kontinua servi iha governu foun laran nudar Ministro Konselleiru no Ministru Planejamentu no Investimentu Estratejiku. 

Deputada CNRT Virginia Ana Belo hatete katak estrutura tomak CNRT nian apoia Dr Rui Araujo nudar Primeiru Ministru.

“Ami esplika ba ami nia militantes iha baze liu hosi telefone kona ba desizau; sira komprende no simu,” hateten Deputada Belo.

Nia haktuir katak Gusmao sei nafatin suporta Primeiru Ministru foun durante tranzisaun no atu bele iha transformasaun la lideransa hosi tuan ba jerasaun foun lider sira.

Komunidade Cesar dos Santos wainhira hetan husu kona ba saida mak hanoin kona ba mudansa Primeiru Ministru no karik nia preokupa ho rezignasaun Gusmao nian no entrega knaar ba membru opozisaun nian FRETILIN, nian hatete katak nia la preokupa ho ida ne’e kontantu ema bele moris hakmatek iha dame nia laran. 

“Ami la koi mak konflitu. Ami hakarak deit moris iha dame nia laran no buka moris,” hatete komunidade dos Santos. 

Nia apela ba governu foun atu tau matan ba hadia dalan, no fo asessu ba bee no eletrisidade ba ema hotu tanba ema barak mak seidauk hetan nesidade bazika hirak ne’e.

Tuir dialogo entre membru nain 38 foun Sestu Governu nian, iha loron 11 Fevereiru 2015, prinsipiu prinsipal rua mak destaka: kordenasaun diak iha Governu tomak laran atu tuir objetivu estratejiku iha Planu Dezenvolvimentu Estratejiku 2011-2030 ; no garante hetan rezultadu.

E-mail Subscription

Enter your email address:

Find us on Facebook

Follow us on Twitter

  • House Banner Side Bar 02
  • House Add Side Banner 04