Segunda, Janeiro 25, 2021
Total visitors: 544459

Presidente Asosiasaun Parteira Timor-Leste (APTL), parteira Natalia de Araújo hateten kauza direta mortalidade inan a’as iha rai laran mak hemoragia no infesaun pos partu tanba inan barak sei partu iha uma.

Presidente Asosiasaun Parteira Timor-Leste (APTL), parteira Natalia de Araújo hateten kauza direta mortalidade inan a’as iha rai laran mak hemoragia no infesaun pos partu tanba inan barak sei partu iha uma.

Nia dehan, kazu hemoragia a’as tanba taxa isin rua sedu ho idade ki’ik a’as, feto idade bo’ot liu sei kous oan, feto oan beibeik laiha espasu ba oan no feto oan barak liu.

“Grupo risku hat ne’e iha ita nia rain barak tebes, ita bele hare realidade peskiza hatudu fertelidade pur mediu nain lima ba leten entau risku ba hemoragia ne’e a’as,” nia hateten bainhira partisipa iha serimonia aniversario APTL ba dala 20 iha salaun Cathedral, Dili.

Nia dehan, atu evita hemoragia no infesaun pos partu mak inan isin rua sira tenke halo konsulta regular minimu dala hat durante isin rua atu bele kontrolu no identifika sedu komplikasaun sira no importante mos partu iha fasilidade saude atu bele hetan atendimentu ida ne’ebe seguru no moos hodi evita infesaun.

Iha oportunidade ne’e, APTL husu governu atu kria kondisoens ba parteira sira iha munisipio, liu-liu fatin alojamentu besik postu saude atu sira bele fo asistensia ne’ebe diak liu tan ba inan isin rua sira.

Iha parte seluk, Ministra da Saúde, Doutora Odete Maria Freitas Belo hateten taxa mortalidade inan iha redusaun, maibe kompara ho nasaun seluk iha rejiaun sei a’as tanba dadus demografia saude tinan 2016, hatudu 195/100,000 inan mak mate kada tinan.

“Politika no estrategia ita nian bainhira sira aplika ba vaga ba sentru saude no postu saude ita la hare ba asuntu alojamentu ba sira, maibe ministerio da saúde sempre nakloke. Bainhira iha fatin sira hanesan area izoladu tebes alojamentu laiha ministerio iha obrigasaun hare fatin ba sira hodi hela atu fo atendimentu kuidadu saúde ba komunidade, liu-liu inan sira,” nia hateten.

Nia rekonhese, numeru parteira sei minimu tebes tan ne’e seidauk bele prense padraun minimu ne’ebe iha katak parteira ida atende 2,500 habitantes tanba situasaun real agora parteira ida atende 500,000 habitantes.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04