Sexta, Março 29, 2024
Total visitors: 766366

Sekretaria Estado Protesaun Sivil (SEPS) apela ba komunidade tomak iha kapital Dili laran atu labele soe foer arbiru nune’e iha tempo udan labele akontese inundasaun.

Sekretario Estado SEPS Joaquin Gusmao hateten, inundasaun sira ne’ebe sempre akontese iha Dili laran no estraga komunidade sira nia sasan uma laran no hela fatin ne’e impakto husi soe foer arbiru.

Sekretario Estado SEPS Joaquin Gusmao hateten, inundasaun sira ne’ebe sempre akontese iha Dili laran no estraga komunidade sira nia sasan uma laran no hela fatin ne’e impakto husi soe foer arbiru.

“Atu prevene inundasaun iha Dili laran ita apela ba komunidade sira labele soe foer arbiru iha valeta no be’e dalan sira atu nune’e be’e bele tun tuir nia dalan,” nia hateten.

Tanba ne’e nia dehan, bainhira komunidade soe foer arbiru no taka be’e dalan hakarak ka lakoi iha tempo udan tenke mosu inundasaun no estraga komunidade nian hela fatin.

“Maibe ita nia komunidade sira mak la iha consiensia hodi la soe foer iha lixu fatin, no soe iha valeta, iha tempo udan tenke simu konsekuensia inundasaun,” nia salienta.

Nia haktuir tan katak, inundasaun atu akontese ka lae ne’e depende ba ema nia hahalok soe foer arbiru ikus mai mosu inundasaun fo sala governo.

Entretanto, Xefe Suku Coromo, Eurico de Jesus Soares hateten, iha suku Comoro, maske ekipa saneamento monta ona lixu fatin maibe komunidade nafatin soe foer arbiru, maibe ekipa saneamento sempre hamos no raut tuir- tuir kedan.

“Sosializasaun husi governo ba komunidade halo ona maibe ita nia komunidade mak la iha konsieneia no ulun to’os seo foer arbiru ikus, sira mak afeta ba dezastre,” Xefe Suku Comoro Jesus dehan.

Nia dehan, tuir lolos ne’e labele soe foer arbiru no tenke soe iha lixu fatin, maibe atu halo tan nusa komunidade sira abitua ona maibe hanesan autoridade lokal nafatin kontrola.

“Hanesan autoridade lokal nafatin esforsu hodi kontrola komunidade sira atu labele soe foer arbiru nune’e iha tempo udan labele mosu tan inundasaun,” nia informa.

Alende ne’e nia dehan, suku Comoro iha area balun risku ba dezastre, no inundasuan sira ne’ebe mak akontese, dalaruma la’os impakto husi soe foer arbiru maibe tanba komunidade balun halo uma taka be’e dalan.