Domingo, Outubro 17, 2021
Total visitors: 584029

Membru Parlamentu Nasional, Deputada Elvina Sousa ejiji governu atu aselera prosesu pagamentu suplementu remuneratoriu ba ekipa liña frente sira ne’ebe ho didikasaun no sakrifika aan halao servisu profesional ba prevensaun no mitigasaun surtu Covid-19 iha rai laran.

Membru Parlamentu Nasional, Deputada Elvina Sousa ejiji governu atu aselera prosesu pagamentu suplementu remuneratoriu ba ekipa liña frente sira.

Nia dehan pesoal liña frente sira, liu-liu profesional saúde sira lorloron haruka mensagen husu sira nia direitu tanba orsamentu aprovado ona atu fo subsidiu ba pesoal sira ne’e hanesan meus apresiasaun no motivasaun ba sira nia servisu.

“Ita hotu sei la nonok, wainhira governu seidauk halo pagamentu ba ekipa liña frente sira tanba ne’e sira nia direitu, ne’ebe sira hein hela,” nia hateten iha plenaria parlamentu nasional, Dili.

Nia lamenta governu halo prosesu kleur demais tanba ema sira ne’e presiza osan atu sustenta sira nia familia no sira nia kondisaun saúde rasik hodi nafatin servi povu iha situasaun pandemia Covid-19.

Tuir dekretu lei numeru 17/2020 konaba rekompensa trabalhador efetivu sira, defini katak profesional sira ne’ebe elijivel ba direitu hetan suplmenetu remuneratoriu mak mediku, enfermeru, auxiliariu ba asaun medika, partera sira, tekniku laboratoriu, tekniku saúde publika, tekniku radiologia, pesoal sira ezerse funsaun iha sala Sentru Integradu Jestaun Krize, motorist veikulu sira, responsavel sala izolamentu sira, elementu Forsa Defeza Timor-Leste (F-FDTL), Ajente Polisia Nasional Timor-Leste (PNTL) ne’ebe involve iha servisu prevensaun no mitigasuan surtu Covid-19.

Alende ne’e trabalhador sira iha Instituisaun Publika Autoridade Inspesaun no Feskalizasaun Atividade Ekonomia Sanitaria no Alimentar (AIFAESA), servisu quarentena no bioseguransa, servisu imigrasaun no alfandega, servisu intelijensia no servisu autoridade administrasaun munisipiu ekipa saneamentu, tekniku fornesmentu bee moos no koveiru ne’ebe integradu halao servisu prevensaun no kontrolu Covid-19.

Iha parte seluk, Diretor Jeral Servisu Koperativu, iha Ministerio da Saúde, Marcelo Amaral hateten benefisiariu subsidiu suplementu remuneratoriu kuaze 5,000 resin tanba ne’e sira presiza tempu atu halo verifikasaun ba dokumentu sira antes submete ba ministerio finansas halo pagamentu.

Nia dehan tuir dekretu lei ne’e benefisiariu sira fahe ba kategoria barak ho montante ne’ebe lahanesan tanba ne’e presiza verifika dokumentu sira ho kuidadu atu evita problema dezsatisfasaun husi pesoal sira.

“Ita bo’ot sira hatene katak ministeriu balun hato’o ona pedidu ba ministerio finansas, maibe la prense rekejitus haruka fila. Entaun ita lakohi submete tiha ba haruka mai fali halo komplikadu liu tan tanba ne’e ami tenke verifika didiak dokumentu sira kompletu ona mak haruka ba atu sira hetan sira nia direitu,” nia hateten.

Nia hateten dokumentu ne’ebe sira verifika maka lista prezensa no orden servisu sira sai hanesan rekejitus principal atu hetan pagamentu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04