Segunda, Junho 24, 2024
Total visitors: 766366

PERMATL durante ne'e transforma ona debu hamutuk 389 ba bee matan iha territóriu laran hodi fasilita komunidade sira asesu ba bee moos no ajuda atividade lor-loron.

PERMATL durante ne'e transforma ona debu hamutuk 389 ba bee matan iha territóriu laran hodi fasilita komunidade sira asesu ba bee moos no ajuda atividade lor-loron.

"Ita halo konservasaun ba bee moos hirak ne'e primeiru ita sukat uluk debu ne'e nia kapturasaun udan ben, ne'e volume hira atu ita bele haree nia impaktu pozitivu ba iha ita-nia bee matan, no rekuperasaun ekolójika liu-liu ba hamatak fila fali rai, no dada fali manu fuik sira, nune'e atu bele hamoris nafatin bee," Diretor Ezekutivu PERMATL, Ego Lemos, dehan

Diretor Lemos mós sujere ba públiku atu servisu hamutuk ho PERMATL hodi transforma debu, no reabilita tan debu natural sira ne’ebé ligasaun ho bee matan natural sira para atu bele ajuda komunidade sira-nia moris lor-loron no hakiak animal, ikan, no agrikultura, nune'e mos kontribui ba saúde no fatin sira ne'e bele sai ba ekoturismu.

Enkuantu nia dehan, orsamentu ba konservasaun bee moos ne'e kiik hela, tanba kada suku gasta $500 no orsamentu hirak ne'e mai husi governu nune'e mós ajénsia sira.

Iha parte seluk, Xefe Aldeia Mane Mesak, Suku Manleuana, iha kapital Dili, Mario do Rosario dehan, dadaun ne'e iha nia aldeia rasik komunidade uma-kain 45 mak utiliza bee matan ne’ebé mak konserva husi PERMATL.

Nia hateten, bee ne’ebé mak PERMATL konserva ne'e husi bee moris no sira mai halo fali reabilitasaun no oferese ba komunidade uma-kain 45 ne’ebé mak besik ne'e utiliza ba moris lor-loron.

"Bee ne'e ajuda tebes ita-nia komunidade sira hodi kuda modo no balu mos hakiak ikan no halo toos," Xefe Aledia Rosario dehan.

Nia dehan, programa PERMATL ne'e di’ak tebes no fó benefisiu ba komunidade tanba ne'e nafatin husu apoiu kontinua transforma bee ba komunidade balun ne’ebé mak to'o ohin loron sei halerik ba bee moos.