Segunda, Junho 24, 2024
Total visitors: 766366

Komandante Komponente Naval Lizeira Komodoro Higino das Neves dehan, razaun ró patrollamentu rua ne’ebé Austrália apoia ba Timor-Leste sei suspende, tanba insfraestrutura hanesan portu la sufisiente.

Komandante Komponente Naval Lizeira Komodoro Higino das Neves dehan, razaun ró patrollamentu rua ne’ebé Austrália apoia ba Timor-Leste sei suspende, tanba insfraestrutura hanesan portu la sufisiente.

Nia hateten, ró Patrolla rua ho klase protetór ne’ebé mak Governu Austrália fó apoia ba Timor-Leste ne’e seidauk entrega ba Timor-Leste, tanba presiza kompleta insfraestrutura balun liuliu kondisaun portu naval nian.

"Tuir loloos ró rua ne’e entrega ona mai Falintil-Forsa Defesa Timor-Leste F-FDTL liu-liu Komponente Forsa Naval Lizeira iha dia 8 de Maiu ne’e, maibé tanba infresatrutura seidauk sufisiente, tan ne’e mak ró ne’e pendente hela seidauk bele entrega," Komodoro Neves dehan.

Nia dehan, aleinde portu seidauk iha nune'e mós lojístika iha Naval no kapasidade finanseiru mós seidauk sufisiente hodi haree ba ró ne'e.

"Ita sei rezolve uluk problema hirak ne'e mak sira entrega ró rua ne'e mai, atu ita bele utiliza ba apoiu servisu kontrolu tasi," nia hatete.

Entretantu, Xefe Estado Maior Jeral F-FDTL, Tenente Jeneral Domingos Raul “Falur Rate-Laek” hateten, iha dia 8 ne’e governu kansela tiha ró rua ne'ebé mai Timor-Leste tanba ekipamentu seidauk kompletu.

"Ita sei prepara kondisaun liu-liu infraestrutura kona-ba instalasaun portu Naval nian hotu mak ita bele simu fali ró rua ne'e," nia dehan.

Nia dehan, tuir loloos ne’e ró ne'e mai atu para iha portu Díli ka Tibar, maibé la iha autorizasaun, tanba ne'e mak suspende tiha ró rua ne'ebé atu mai iha dia 8 Maiu loron hirak liu ba.

Nia informa, dadaun ne'e governu Austrália mós apoiu hela konstrusaun ba portu Naval nian, nune'e bele finaliza lalais hodi bele simu ona ró patrollamentu rua refere.