- Publika iha: 01 Dezembro 2024
Parlamentu Nasionál husu Autoridade Inspesaun no Fiskalizasaun Atividade Ekonomia no Sanitária no Alimentar (AIFAESA) tenke sériu hodi kontrolu produtu importadu sira hodi asegura kualidade.
Deputadu Antóninho Bianco dehan, populasaun Timor-Leste ne'e konsumu produtu importadu sira, tanba ne'e AIFAESA nian papél importante hodi kontrolu produtu sira nia kualidade hodi hado'ok sosiedade husi produtu sira ne’ebé la iha kualidade nune'e fó risku ba saúde.
"Husu ba Autoridade Inspesaun no Fiskalizasaun Atividade Ekonomia, Sanitária no Alimentar (AIFAESA) tenke sériu kontrolu produtu importadu sira iha nivel nasionál no munisipál," nia dehan.
Nia dehan, nune'e mós kontrolu kona-ba produtu sira duplikasaun husi Xina balun, tanba tuir observasaun sasán balun ne’ebé iha Pateo original husi Portugál maibé Xineza sira halo duplikasaun ida-ne'e kualidade ka lae.
"Husu mós tenke iha laboratóriu atu nune’e bele halo teste ba prazu sasán importadu sira molok hatama nune'e bele garante saúde sosiedade nian," nia dehan.
Nia dehan, dalaruma sasán sira ne'ebé mak folin baratu ne'e, tanba besik prazu ona balun prazu, tanba de'it la iha laboratóriu teste ema hatama de'it.
Alende ne'e Deputadu Bianco husu mós kontrolu ba restorante sira tanba balun la hijene.
Entretantu Ministru Koordenadór Asuntu Ekonómiku Francisco Kalbuady Lay dehan, dadaun ne’e governu servísu hamutuk ho Indonézia hodi halo teste ba produtu importadu sira.
"Ita iha laboratóriu integradu ho Indonézia ita iha kooperasaun di'ak hodi kontrolu produtu sira iha rai-laran, nune'e mos bele teste ba produtu lokal sira," nia dehan.
Enkuantu nia dehan, tinan-oin AIFAESA servísu hamutuk ho Indonézia ho objetivu kontrolu produtu importadu sira ho kualidade.