Quarta, Fevereiro 19, 2025

Autoridade Protesaun Sivíl (APC) rejistu kazu ba dezastre naturais ne’ebé akontese durante semana ida, iha loron neen to'o loron sanulu-resin-tolu (13) fulan Janeiru tinan 2025 ne'e hamutuk uma-kain rua-nulu (20).

Autoridade Protesaun Sivíl (APC) rejistu kazu ba dezastre naturais ne’ebé akontese durante semana ida, iha loron neen to'o loron sanulu-resin-tolu (13) fulan Janeiru tinan 2025 ne'e hamutuk uma-kain rua-nulu (20).

Xefe Sesaun Relasaun Externa, iha Autoridade Protesaun Sivil (APC), Nelson Nunes de Orleans hateten, durante seman ida fulan Janeiru APC rejistu kazu afetadu ba dezastre naturais hamutuk uma-kain 20 mak afetadu.

"Iha semana ida nia laran APC halo rejistu kazu ba dezastre naturais hamutuk 20, ne'ebé mai husi munisípiu sira hanesan, munisipiu Ainaro anin sobu uma ida no rai halai estraga uma ida, Baucau anin sobu uma ida bee sae uma haat.

Aleinde ne’e iha Ermera anin sobu uma haat rai halai estraga uma ida, Lauten anin sobu uma rua no ahi-han uma ida, Liquiçá anin sobu uma rua, Viqueque anin sobu uma ida, Manufahi anin sobu uma rua," dehan Xefe Seksaun Relasaun Externa, iha Autoridade Protesaun Sivíl (APC) Orleans, iha Caicoli, Díli.

Nia dehan, komunidade nia uma-kain 20 ne'ebé afetadu ba dezastre naturais sira hetan ona ajuda husi APC husi munisípiu sira, ba sira ne'ebé hetan estragus total ne’e APC foti de’it dadus.

Nia hatutan, Komandu APC Munisípiu ho parseiru relevante sira fornese mós asisténsia emerjénsia ba família afetadu sira.

"Ita fó ona apoiu emerjensia hanesan, ai-han no la’ós ai-han, ba família afetadu sira, no Komandu Operasional APC iha munisípiu sira sei kontinua halo levantamentu detallu kona-ba sasan ne'ebé estragus no lakon," nia koalia.

Iha fatin seluk, Reprezentante Prezidente Autoridade Munisípiu (PAM) Ainaro, Ruivo Barros Magno dehan, iha Munisípiu Ainaro akontese dezastre naturais iha postu 4, maibé hetan ona apoia emerjénsia husi APC no Administrasaun Munisípiu Ainaro nian.

“Iha Ainaro dezastre akontese iha haat, maibé Postu Administrativu tolu mak halo ona apoiu emerjénsia no tuir mai sei apoiu tan postu ida hodi kompleta tan dadus postu 4 munisípiu Ainaro nian," nia Informa.

Nune’e mós, Vítima ba Dezastre Naturais Olinda Moniz esplika, sira-nia uma sobu iha semana kotuk, maibé hetan ona apoiu emerjénsia husi Governu.

"Ami hetan nesisidade báziku husi ita-nia governu no sira mai foti ona dadus atu kontinua apoiu ou lae, tanba ne’e ami hein de’it," nia afirma.