Quinta, Outubro 22, 2020

Tuir Peskizadór Asuntu Agrikultura no Rai, iha ONG Lao Hamutuk Mariano Ferreira, hateten produsaun fos iha rai laran mais menus 37 to’o 40 mil toneladas por ano deit, entau governu tenke halo importasaun husi rai liur.

Tuir Peskizadór Asuntu Agrikultura no Rai, iha ONG Lao Hamutuk Mariano Ferreira, hateten produsaun fos iha rai laran mais menus 37 to’o 40 mil toneladas por ano deit.

“Ita nia produsaun iha rai laran la bele atu subsititui ou la bele atu forñese ba populasaun tomak iha rai laran atu konsumu, entaun obriga governu tenke tau osan duni importa fos rai liur hodi nune’e kontinua hakonu necessidade komunidade nian nomós merkadu rai laran para ema la senti hahan ne’e menus,” hatutan Mariano.

Peskizadór Mariano Informa tan katak tinan ida ne’e 2020 governu liuhusi Ministério Turismo Comerçio Industria (MTCI) importa fos hamutuk tonelada 100,000 tonelada hodi asegura to’o 2021.

“Iha tinan ida ne’e ita nia governu planu liuhusi Ministério Comerçio Industria atu aloka orsamentu atu importa fos mai Timor mais menus 100,00 tonelada resin, no fase primeiru sira haruka ona 36,000 ton mai ona, depois fase segundu mós haruka tan 25 ou 26,000 tonelada no sei iha tan seluk atu hakonu ita nia armajen ne’ebé mak iha tiha ona,” dehan nia.

Governu Timor-Leste halo importasaun fos husi nasaun Vietnam ho nasaun sira seluk iha regiaun sudeste asiatico maibe governu mós tenke tau osan ba investimentu ba setor agrikultura ninian iha rai laran Timor-Leste, bele kuda hare’e rai laran, batar, nomós produtu sira seluk.

Entretantu, Presidente Comissaun D Asuntu Ekonomia e Dezenvolvimentu, Deputado Antoninho Bianco informa katak situasaun ba produsaun rai laran ne’e deste uluk kedas to’o agora entaun kona produsaun rai laran ne’e la sufisiente atu dehan fos, batar, nomós naan sira ne’e, ikan sira ne’e, seidauk bele auto-sufsiente husi produsaun rai laran tanba seidauk aproveita potensial ne’ebé Timor-Leste nia rain iha.

“Tanba ne’e mak hau hanoin governu agora ne’e, governu kontinuasaun maibe infrenta situasaun entaun osan balu uza duni para atu bele sosa aihan porzemplu fos no seluk ne’ebé ke ita la bele halo kobertura hotu ne’ebé iha prevensaun orsamentu para atu bele sosa aihan iha rai liur,” nia salienta.

Haktuir Deputadu Bianco katak MTCI liuhusi Diresaun Centru Logistica Nasional (CLN) tenke iha stok para kualker situasaun deit tenke halo intervensaun para asegura sustentabilidade aihan ba povu.

“Mais durante ita seidauk bele produz ho montante halo kobertura ba ita nia a’an rasik entaun ita la bele husik hela lakuna ne’e, porque ita nia ema bele hamlaha, entaun ita tenki sosa aihan iha rai liur. Babain ne’e ita sosa iha nasaun Vietnam nomós iha fatin nasaun sira seluk para bele dehan stok ne’e sempre iha,” dehan nia.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04