Quarta, Janeiro 20, 2021
Total visitors: 543764

Ministru Kordenador Asuntu Ekonomia (MKAE), Joaquim Amaral bolu atensaun ba kompanhia sira ne’ebe hetan fiar halo distribuisaun aihan ba populasaun sira atu kumpri valor ne’ebe hakerek iha lei katak $25 kada ema ida.

Ministru Kordenador Asuntu Ekonomia (MKAE), Joaquim Amaral bolu atensaun ba kompanhia sira ne’ebe hetan fiar halo distribuisaun aihan ba populasaun sira atu kumpri valor ne’ebe hakerek iha lei katak $25 kada ema ida.

Nia salienta, dadus populasaun ikus ne’ebe hetan husi Ministerio Administrasaun Estatal (MAE) total populasaun hamutuk 1.5 milliaun, maibe orsamentu ne’ebe alokadu ba populasaun 1.3 milliaun tanba ne’e sei presiza halo ajustamentu.

“Sesta bazica, tuir lei montante $25. Ita hotu hakarak servisu transparansia no dezeizu husu atu kompanhia sira ne’ebe hetan fiar distribui atu kumpri valor ne’ebe iha atu sidadaun sira bele hetan sira nia direitu tanba lei hateten ema ida iha direitu ba $25 fulan ida. Maibe programa ne’e fulan rua entaun ema ida simu fulan rua nian,” nia hateten iha Parlamentu Nasional, Dili.

Nia dehan, programa sesta bazica ne’e estrategia ida atu kontribui ba rekuperasaun ekonomia iha kurtu prazu nian, liu-liu familia sira bele hetan ai-han, kompanhia sira iha oportunidade hetan osan no produtor sira mos hetan rendimentu iha situasaun difisil ida ne’e.

Nia hateten, populasaun sira ne’ebe iha area rural sei hetan ai-han no sira ne’ebe iha area rural sei aplika sistema voucher atu bele sosa ai-han iha supermerkadu sira ne’ebe preparadu atu uza sistema ida ne’e.

Nia haktuir, familia ida ema nain 10, iha flexbilidade atu utiliza voucher ne’e kada semana laos loron ida deit.

Entretantu, Membru Parlamentu Nasional, Deputado Antonio da Conçeicão konsidera programa sesta bazica ne’e asaun ne’ebe diak iha tempu badak, maibe la refleta konseitu dezenvolvimentu ne’ebe lolos atu hakbi’it populasaun sira laos atu halo sira dependente.

“Fulan Novembru no Dezembru ne’e bele lori ai-han sira ne’e fahe to’o populasaun sira iha suku sira, se la konsege sira ne’ebe simu no sira ne’ebe la dauk simu ne’e justisa iha ga lae,” nia hateten.

Iha oportunidade ne’e, nia dezafia governu atu hatudu transparansia ba iha prosesu aprovizionamentu ba iha programa ida ne’e.

Iha parte seluk, Deputada Virgina Ana Belo preokupa ho kualidade produtu ai-han ne’ebe governu distribui ba komunidade sira tanba mosu lamentasaun husi populasaun sira kona ba kualidade no valor produtu sira ne’e la to’o $25, ne’ebe tuir lei haruka.

“Ita hotu akompanha hela povu hein hela bainhira mak bote to’o ba sira. Kualidade sasan sira ne’ebe ita hare iha TV halo ita triste oituan, ita espera ho akontesementu sira ne’e bele sai lisaun ida atu hadia fo sasan ba populasaun ho dignu tanba tenke konsidera ema sira ne’e,” nia hateten.

Nia dehan, orsamentu ne’ebe alokadu ba programa sesta bazica ne’e bo’ot tebes hamutuk $71.5 milhoens tanba ne’e populasaun hotu iha direitu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04