Sexta, Fevereiro 26, 2021

Membru Parlamentu Nasional (MP), Deputado Antonio da Conçeicão hateten iha planu medida rekuperasaun ekonomia governu tenke fo prioridade no halo esforsu makas atu hadia kondisaun irigasaun sira atu fasilita agrikultor sira halao servisu hasa’e produsaun rai laran.

Membru Parlamentu Nasional (MP), Deputado Antonio da Conçeicão hateten iha planu medida rekuperasaun ekonomia governu tenke fo prioridade no halo esforsu makas atu hadia kondisaun irigasaun sira atu fasilita agrikultor sira halao servisu hasa’e produsaun rai laran.

Nia rekonese politika fo subsidio $200 ba agregadu familia no distribui aihan ba komunidade sira ne’e diak tanba fo benefisio ba familia vulneravel sira no valoriza mos servisu agrikultor sira nian, maibe governu tenke hare mos servisu sira logu prazu nian hodi garantia soberania alimentar iha futuru.

“Tinan ne’e ita sosa agrikultor sira nia produtu ne’e diak, maibe diak liu tan tinan sira oin mai ita nafatin sosa sira nia produtu tanba ne’e atu garantia agrikultor sira nafatin iha produtu mak ami hanoin esforsu ne’ebe governu tenke fo atensaun makas liu tan mak irigasaun sira atu ita bele koalia kona ba seguransa alimentar iha aban bairua nian hori remedia ita nia ekonomia,” nia hateten iha plenaria parlamentu nasional.

Nia hateten, irigasaun Irabele postu administrativu Uatocarbaun Munisipio Viqueque ne’ebe bele serve deit natar hektar balun mak agrikutlor sira halo kultivu barak mak la halo tanba bee laiha.

Nia hatutan liu, governu bele hare medida sira atu responde ba kurtu prazu, maibe importante mos atu kria kondisoens sira atu bele iha kontinuidade ba programa sesta bazika katak agrikultor sira produs produsaun no governu sosa.

Hatan ba kestaun ne’e Ministru Kordenador Asuntu Ekonomia (MKAE), Joaquim Amaral katak planu rekuperasaun ekonomia iha medida hat ne’ebe governu implementa hodi rekupera ekonomia rai laran.

Nia dehan, medida kurtu prazu ne’ebe dadaun ne’e hare ona rezultado mak sesta bazika ne’ebe rezultado fo impaktu diak tebes ba ekonomia rai laran tanba fo servisu ba sidadaun lubun ida no fo motivasaun ba agrikultor sira atu hasa’e produsaun.

“Programa sesta bazika ita bele dehan rezultado impaktu diak diak tebes ho ekonomia, hau bele dehan fo servisu lubun ida kuaze mais 3 mil mak involve iha siklu servisu ligasaun ho sosa produtu, logistika, pakotementu no transportasaun,” nia hateten.

Nia hatutan, Centru Logistika Nasional (CLN) iha stok foos ne’ebe sufisiente ba fulan tolu oin mai tanba sira iha 25,000 toneladas foos iha armajena, 900 toneladas foos rai, 400 hare kulit ne’ebe prosesu hela ba dular sei bele halo intervensaun iha merkadu.

Nia haktuir, governu servisu hamutuk ho CLN atu halo monitorizasaun rutina ba merkadu hodi asegura estabilidade presu nesesidade baziku iha merkadu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04