Sábado, Fevereiro 27, 2021
Total visitors: 550453

Sekretaria Estado Protesaun Sivil (SEPS) prepara ona ekipamentos inklui ai-han no material konstrusaun sira hodi antisipa karik dezastre naturais akontese governo responde kedan.

Diretor Nasional Jetaun Risku Dezastre, Agustinho Cosme da Costa, hateten ekipamentos ne’ebe mak dadaun ne’e SEPS prepara ne’e hetan apoio husi parseiro sira inklui Care Internasional, World Vision, no Oxfam.

Diretor Nasional Jetaun Risku Dezastre, Agustinho Cosme da Costa, hateten ekipamentos ne’ebe mak dadaun ne’e SEPS prepara ne’e hetan apoio husi parseiro sira inklui Care Internasional, World Vision, no Oxfam.

“Ekipamento sira ne’ebe mak ita nia parseiro sira ofrese ne’e hanesan Care Internasional apoio material konstrusaun ba familia uma kain 50 komposto husi kalen, besik, prego no arame kesibesi. World Vision apoio ai-han ba familia uma kain 120 hanesan, foos, mina, dosi, susuben. No Oxfam apoio ekipamento no food item ba uma kain 128,” nia informa.

Nia dehan, ekipamentos sira ne’e SEPS simu ona prepara hela tanba dadaun ne’e akontese udan bo’ot karik rezulta dezastre ruma SEPS preparado ona hodi apoio ba vitima sira.

“Material sira ne’e ita prepara hetan hodi antisipa bainhira mosu dezastre husi apoio ne’ebe mak parseiro sira ofrese ne’e bele tulun fali ita nia komunidade sira ne’ebe afetado,” nia dehan.

Entretanto, pontu fokal dezastre naturais Munisipiu Ermera, Antonio Vieira hateten, ho apoio ne’ebe mak ofrese importante tebes hodi tulun serviso SEPS nia bainhira komunidade balun afeta ba dezastre bele apoio kedan labele hein kleur.

“Ita hare dezastre sira ne’e akontese ne’e apoio emergensia ne’e dala ruma familia vitima sira hein to’o semana ida mak foin hetan ne’e kleur liu tuir lolos apoio emergensia ne’e tenke primairo,” nia informa.

Tanba ne’e nia dehan, espera katak ho apoio ne’ebe mak SEPS iha no preparado ona bele hafasil serviso SEPS nian kuando akontese dezastre ruma, apoio emergensia tenke to’o kedan.

“Apoio husi governo ba komunidade bainhira sira afeta ba dezastre ruma ne’e importante tebes atu nune’e komunidade bele sente katak sira la mesak maibe governo sempre hamutuk ho sira,” nia dehan.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04