Sábado, Junho 19, 2021

Governu liu husi Sekretariu Estadu Protesaun Sivil (SEPS) hetan apoiu humanitaria husi entidade nasional no internasional hamutuk 47 hodi fo ajuda ba vitima dezastre naturais inklui inundasaun no rai halai ne'ebe akontese iha dia 4 de abril iha Timor-Leste.

"Ita nia entidade nain 47 ne'e kompostu husi instituisaun publiku no privadu, OGN nasional no internasional, no Embaixada no ajensia sira iha Timor-Leste," Sekretariu Estadu (SEPS), Joaquin Gusmao Martins, hateten.

"Ita nia entidade nain 47 ne'e kompostu husi instituisaun publiku no privadu, OGN nasional no internasional, no Embaixada no ajensia sira iha Timor-Leste," Sekretariu Estadu (SEPS), Joaquin Gusmao Martins, hateten.

Nia dehan apoiu ne'ebe mak entidade hirak ne'e oferese inklui nesesidade baziku sira, sasan dapur, manta, sumasu, kulsaun, foos no ai han seluk tan no entidade balun oferese osan deit.

"Sasan sira ne'ebe mak ita nia entidade sira oferese ne'e intrega direta iha sentru protesaun sivil no tau hamutuk ho sasan ne'ebe ita iha ho fahe ba parte rua food ho non-food hodi oferese ba vitima afetadu iha Timor laran tomak," nia salienta.

Tanba ne'e nia dehan, total vitima afetadu ba dezastre naturais inundasaun no rai halai iha munisipiu Dili no munispiu seluk kuaze 9,000 resin ne'ebe hetan hotu ona apoiu humanitaria.

"Ita agradese tebes ba ita nia entidade sira ne'e mak iha situasaun difisil ne'ebe mak ita infrenta hanesan Covid-19 no inundasaun maibe sira nafatin apoiu governu hodi tulun komunidade afetadu sira," nia informa.

Entretantu, Diretor Ezekutivu FONTIL Daniel Santos, hateten situasaun ne'ebe mak oras ne'e governu infrenta ne'e laos fasil tanba ne'e hakarak ka lakoi governu tenke husu tulun ba parseiru sira.

"Ita hare dadaun ne'e governu la iha osan hodi fo apoiu ba vitima afetadu dezastre naturais, dalan diak mak tenke husu apoiu ba ema seluk hosi ajuda," Diretor FONTIL Santos dehan.

Maibe FONTIL aparesia ho esforsu Sekretariu Estadu Protesaun Sivil (SEPS) nian maske governu la iha osan maibe nafatin halo koperasaun ho nia parseiru sira hodi tulun fasilidade baziku balun no tau hamutuk ho nesesidade baziku ne'ebe SEPS iha hodi oferese ba komunidade afetadu sira.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04