Quinta, Setembro 23, 2021
Total visitors: 578526

Asesor Prinsipal, iha Ministerio Agrikultura no Peskas (MAP), Furmencio Araújo hateten tinan 2021, fo prioridade ba konstrusaun no rehabilitasaun sistema irigasaun walu (8) iha zona baze produsaun bo’ot tanba tinan naruk natar barak abandona.

Asesor Prinsipal, iha Ministerio Agrikultura no Peskas (MAP), Furmencio Araújo hateten tinan 2021, fo prioridade ba konstrusaun no rehabilitasaun sistema irigasaun walu (8) iha zona baze produsaun bo’ot tanba tinan naruk natar barak abandona.

Nia dehan projeitu sira ne’e maka hanesan konstrusaun knal irigasaun iha zona agrikola Bebui, rehabilitasaun ba skema irigasaun Larisula, konstrusaun protesaun skema irigasaun Raibere, kontinua konstrusaun knal irigasaun Webaba, rehabilitasaun skema irigasaun Tebabui, rehabilitasaun skema irigasaun Maliana II, konstrusan protesaun knal irigasaun zona agrikola Halicou, rehabiltiasaun skema irigasaun Faularan.

“Fatin abandona sira maka ita transforma ba area kultivu maka ita sei iha autosufisiente ba aihan. Tanba dadaun ne’e natar barak seidauk dezenvolve ho diak entau ita labele hetan produsaun ne’ebe bele responde ba nesesidade nasional,” nia hateten bainhira sai orador iha dialogu rede sosiedade sivil ho governu konaba impaktu inundasaun ba setor agrikultura no edukasaun, iha salaun CNE Colmera, Dili.

Nia hateten atu halo konstrusaun no rehabilitasaun ba irigasaun ida lori tempu naruk tanba tenke halo planu estudu, dezenho, alokasaun orsamentu no bainhira orsmentu aprovado no hetan ona promulgasaun maka prosesu tenderizasaun sira lao.

Nia hatutan intevensaun ne’ebe sira halo iha situasaun inundasaun maka sosa karon somenti nian ense raihenek satan bee hodi kanaliza ba natar sira atu asegura bee ba natar sira tanba ne’e iha epoka primeiru tinan 2021, iha 2,000 hektares maka sei koleta.

Nia informa orsamentu ba projeitu hira ne’e, iha kategoria rua kategoria ida aprova husi UCMA ho total $1 miloens resin. No sira halo tan proposta adisional ho montante $2 miloens resin.

Iha parte seluk, Diretor executive HASATIL, Gil Boavida hateten inundasaun ne’ebe akontese iha loron 4-5 fulan Abril tinan 2021, estraga natar no to’os barak tanba ne’e presiza intervensaun emediata atu protese plantasaun sira.

“Ami nia auditoria sosial tinan hira liu ba iha munisipio Covalima, ami deskobre buat barak. No Ami husu ona minsiterio atu ajuda agrikultor sira tanba bainhira tempu halai natar sira sempre hasai osan selu skavator ba kee knal irigasaun atu kanaliza bee ba sira nia natar ho distansia 7-9 kilometru,” nia hateten.

Nia dehan kauza ba estragus sira ne’e maka mota sobu, segimentasaun nakonu estraga hotu plantasaun sira tanba ne’e governu tenke halo asesmentu ida atu identifika fatin risku sira hodi protese area produtivu sira ne’e no apoia agrikultor sira dezenvolve ho pratika ne’ebe diak atu kontribui hasa’e produsaun rai laran.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04