Domingo, Outubro 17, 2021
Total visitors: 584029

Ministeriu Admistrasaun Estatal (MAE) orienta Munisipiu Dili apoiu foos ba familia vitima inundasaun hamutuk 142 ne'ebe oras ne'e dadaun kuntinua hela iha sentru evakuasaun iha kapital Dili.

Ministeriu Admistrasaun Estatal (MAE) orienta Munisipiu Dili apoiu foos ba familia vitima inundasaun hamutuk 142 ne'ebe oras ne'e dadaun kuntinua hela iha sentru evakuasaun iha kapital Dili.

Vise Prezidente Munisipu Dili, Antonio Moniz Calau, hateten foos ne'ebe apoiu ne'e hodi tulun maluk vitima inundasaun hamutuk uma kain 142 ne'e mak okupa hela sentru evakuasaun 7 iha kapital Dili.

"Iha sentru evakuasaun sira menus liu mak hahan, tanba ne'e ita nia ekipa tun direta hodi observa no ita hetan orientasaun husi Ministru Admistrasaun Estatal (MAE) hodi halo distribuisaun foos ba vitima inundasaun hirak ne'e," Vise Prezidente Autoridade Dili Moniz hateten.

Nia dehan, foos ne'ebe mak Munisipiu Dili apoiu ne'e parte ida hodi reforsa Sekretariu Estadu Protesaun Sivil (SEPS) no Ministeriu Solidaridade Sosial no Inkluzaun (MSSI) ne'ebe mak durante ne'e sempre fo apoiu mak vitima sira.

"Foos ne'ebe ita apoiu ba uma kain 142 ne'e kada uma kain hetan foos saku rua no total foos ne'ebe ita apoiu hamutuk saka 248," nia informa.

Entretantu, Responsalvel Sentru Evakuasaun Dom Bosco, Irmao Adriano Maria de Jesus SDB hateten, hahu akontese dezastre naturais ne'e to'o agora, vitima sira ne'ebe mak hela iha ne'e Dom Bosco ofrese rai mamuk ba sira kuda modo ba sira lori han nune'e mos sira ne'e mak hakrak faan bele faan hodi hetan osan hodi sosa nesesidade ba sira utiliza.

"Ida ne'e mak durante ne'e ami halo hodi tulun ita nia vitima sira no hau fiar katak ita nia governu sira mos sei la taka matan ba vitima sira," nia saliente.

Iha fatin hanesan vitima Olimpia da Conceição hateten, foos ne'ebe mak governu apoiu ne'e agradese tebes maibe husu mos atu apoiu nesesidade seluk ne'ebe mak sira presija.

"Ami iha ne'e presija necesidade bazika hanesan sabaun, rinso no seluk tan tanba ami ho labarik," nia hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04