Domingo, Outubro 17, 2021
Total visitors: 584029

Governu liu husi Sekretaria Estadu Meiu Ambiente (SEMA) bandu ona importasaun plastiku husi nasaun seluk mai Timor-Leste no bandu ona utilizasaun plastiku iha loja sira iha rai laran.

Governu liu husi Sekretaria Estadu Meiu Ambiente (SEMA) bandu ona importasaun plastiku husi nasaun seluk mai Timor-Leste.

“Timor-Leste bandu inportasaun plastiku ne'e bazeia ba dekretu lei numeru 37/2020, no lei ne'e bandu konaba utilizasaun plastiku iha loja sira. Bazeia ba dekretu lei ne'e no ita implementa hodi bandu inportasaun plastiku husi nasaun seluk tama mai Timor," hatete Diretor Diresaun Kontrola Poluisaun, SEMA, Carlos Conçeicão.

Nia dehan, iha Timor-Leste desde implementasaun politika zero plastiku, loja sira iha Dili laran maioria la uza ona plastiku.

Entretantu, Membru Parlamentu Nasional, Deputadu Antoninho da Conceicao, hateten implementasaun lei ne'e hahu ona iha janeiru 2021.

"Ita husu kompanhia inportador sira liu-liu plastiku tenke troka plastiku ho pasta biodegradavel no intensaun katak fasil atu dodok," Deputadu Conceição hateten.

Nia dehan, bainhira utiliza nafatin plastiku difisil tebes, kuandu bainloron soe ba lixu difisil atu dodok no tempu udan be'e lori tama ba valeta no ikus mai ba para iha tasi.

“Bainhira plastiku sira ne'e tun ba tasi depois balada sira iha tasi laran ne'eba konsumu plastiku, ne'e prejudika tebes ba ita nia animal iha tasi no ita nia biodiversidade," nia salienta.

Alende ne'e, Deputado Conceição husu governu tenke kontrola no foti medida ba kompanhia sira ne'ebe mak sei faan subar plastiku ka produs subar plastiku ne’ebe sei sirkula iha komunidade laran.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04