Suku 15 iha munisipio Manufahi durante tempu ukun an to'o ohin loron, komunidade sira seidauk asesu eletrisidade iha uma laran.

Administrador munisipio Manufahi, Arantes Isac Sarmento, hateten iha Manufahi hamutuk suku 29, no husi suku 29 iha suku 15 mak to'o ohin loron seidauk asesu linha eletrisidade.

Administrador munisipio Manufahi, Arantes Isac Sarmento, hateten iha Manufahi hamutuk suku 29, no husi suku 29 iha suku 15 mak to'o ohin loron seidauk asesu linha eletrisidade.

"Ita nia komunidade iha suku 15 ne'e durante ne'e utiliza deit lenti, lilin no komunidade ne'ebe ekonomia maximu ituan sira utiliza gerador hodi leno sira iha tempu kalan," nia dehan.

Nia dehan, suku 15 ne'e kompostu husi postu admistrativu Alas, Turiskai no Same total uma kain 4,000 resin.

“Dadaun ne'e ita nia tekniku EDTL iha munisipiu halo ona identifikasaun ba iha suku sira ne’e nune'e bele halo prosesu ba instalasaun linha eletrisidade," Admistrador Munisipiu Manufahi Isac hateten iha Hotel Timor, iha Dili.

Maibe nia dehan, suku 15 ne'e iha suku tolu hanesan Tutuluru, iha postu admistrativu Same, no suku Ai-Timua ho Midelo iha postu administrativu Turiscai agora dadaun asina kontratu no kompanhia hahu hala'o implemta obra eletrisidade.

Entretantu, Ministru Obras Publikas, Salvador Pires, hateten ekipa Ministeriu Obras Publika (MOP) halo ona levantamentu ba suku sira ne’ebe seidauk asesu eletrisidade nune'e governu tau iha programa prioridade hodi bele rezolve.

"Suku sira ne'e ita identifika ona seidauk asesu ba eletrisidade, ne'e tanba suku ne'e do'ok tebes husi estrada publika no la asesu ba estrada tanba ne'e mak defisil los atu asesu ba eletrisidade," Ministru MOP Reis hateten.

Nia dehan, iha semana kotuk ne'e MOP halo ona lansamentu ba instalasaun eletrisidade iha area Turiscai nian.

"Ita halo lansamento ba instalasaun eletrisidade, iha mos prepara ona dezenho no BOQ hodi halo kontrusaun estrada ba suku hirak ne'e.

Alende ne’e nia dehan, kona ba be’e moos komunidade iha postu admistrativu Manufahi kuase 75% ona mak asesu be’e moos.