Sexta, Janeiro 21, 2022

Diretur kompanhia Moris Foun, Lda, Dedi Irawan hateten lei no regulamentu sira konaba atividade farmaseutikas ne’ebe vigora iha Timor diak ona intermus proteje konsumedor no asegura kualidade produtu, maibe governu, liu-liu ministerio da saúde no alfandega tenke hadia servisu atendimentu atu aselera prosesu hasai produtu husi portu tuir tempu ne’ebe determina.

Diretur kompanhia Moris Foun, Lda, Dedi Irawan hateten lei no regulamentu sira konaba atividade farmaseutikas ne’ebe vigora iha Timor diak ona intermus proteje konsumedor no asegura kualidade produtu, maibe governu, liu-liu ministerio da saúde no alfandega tenke hadia servisu atendimentu atu aselera prosesu hasai produtu husi portu tuir tempu ne’ebe determina.

Nia salienta, durante ne’e sira sempre hetan denda multa ho montante ne’ebe bo’ot tanba servisu administrasaun ne’ebe demora kleru iha diresaun nasional farmasia no medikamentu, iha ministerio da saúde no alfandega kuaze semana ida to’o rua, entau sira tenke selu multa $25 dolar Amerikadu loron ida.

“Kuandu importador sira hatama dokumentu atu hetan clearance tenke prosesu lalais tanba premeru ita tenke selu multa no segundu produtu rai kleur iha portu hetan manas bele afeta ba kualidade aimoruk tanba aimoruk sira ne’e tenke rai iha fatin ne’ebe malirin,” nia hateten hafoin partisipa iha workshop nasional konaba regulamentu no leis ba registu produtu, lisensiamentu atividade farmasiotika iha salaun Palacio da Sinzas Kaikoli, Dili.

Nia dehan baibain sira hatama sasan husi Surabaya, Indonesia, lato’o semana ida kontener tama ona iha portu Dili. Depois kontainer aranka sai husi Indonesia sira hetan ona dokumentu Bill fo leading hodi hatama ba prosesu, maibe prosesu administrasaun sira ne’e sempre tarde semana rua to’o tolu tanba hahu halao atividade importasaun sempre selu multa.

Nia hateten sira kumpri regulamentu no lei sira ne’ebe vigora iha rai laran, liu-liu sira hetan lisensa husi SERVE, lisensa operasaun husi ministerio da saúde no sira mos registu produtu items sira ne’ebe hatama mai rai laran iha ministerio da saúde tanba ne’e governu mos tenke ajuda sira iha prosesu administrasaun.

Enkuantu, Xefe Departamentu operasaun, iha Alfandega, Valenti Antonio Freitas hateten importasaun produtu farmasiotika no medikamentu sira iha koperasaun ho ministerio da saúde atu kontrola tanba ne’e produtu ne’ebe la registu sei la autoriza tama.

“Sira registu ita autoriza tama, maibe la registu ita la autoriza tanba ne’e ministerio saúde tau ona karimbu mak ami halo prosesu,” nia hateten.

Nia hateten aplikasaun taxa ba sasan hotu ne’ebe la tama iha impostu seletivu konsumo konaba impostu 2,5% impostu da venda 2,5% tanba ne’e hamutuk taxa hamutuk 5%.

Iha parte seluk, Xefe Departamentu Gestaun Autorizasaun no Intordusaun Merkadu, iha diresaun nasional farmasia no medikamentu ministerio da saúde, Teodoro Marçal de Jesus hateten atividade farmasiotika regula iha dekretu lei numeru 12/2004, atu agarantia kualidade, siguransa no efikasia produtu farmaseutikas no medikamentu sira sirkula iha rai laran.

“Alende hetan lisensa husi SERVE nia tenke hetan lisensa operasional husi ministerio da saúde, no produtu ne’ebe hatama mai registu iha diresaun nasional farmasia no medikamentu atu bele kontrola no asegura kualidade produtu hotu ne’ebe tama mai no konsumedor sira uza ho seguransa ne’ebe diak labele afeta ba ema nia saúde,” nia hateten.

Nia dehan dadus estatistika kompanha hamutuk 23 mak hetan lisensa operasional husi minsiterio da saúde atu importa produtu farmaseutika no medikamentu mai rai laran, maibe dadaun ne’e kompanha 11 deit mak ativu hela halao servisu importasaun.

Nia hatutan produtu farmaseutika no medikamentu ne’ebe registu iha ministerio da saúde hamutuk 830 items, no produtu sira ne’e hatama husi setor privado sira.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04