Sexta, Janeiro 21, 2022

Estadu Unidos Amerika (EUA) apoiu tekniku militar hodi hahu halo kontrusaun ba areoportu Baucau.

Estadu Unidos Amerika (EUA) apoiu tekniku militar hodi hahu halo kontrusaun ba areoportu Baucau.

Xefe Estadu Maior Jeral Falintil-Forsa Defeza Timor-Leste (F-FDTL), Tenente Jeneral Lere Anan Timur hateten, areoportu ne'ebe mak oras ne'e dadaun hahu halo ona konstrusaun ne'e hetan apoiu husi EUA hodi hametin diak liu tan koperasaun servisu entre forsa militar rua ne'e.

Nia dehan, orsamentu ba konstrusaun areoportu ne'e husi EUA mak apoiu no sira mak jere rasik bainhira prontu ona mak sira intrega, forsa militar mak sei jere rasik.

"Areoportu ne'e hotu sira intrega mai ita mak ita sei intrega ba governu no estadu hodi deside katak areoportu ne'e nia distinasaun ba militar, economia, comercial ka areoportu sivil ne'e sira mak deside nia destinasaun," Tenente Jeneral Lere Anan Timur hateten.

Nia dehan, konstrusaun ne'e governu fo konfiasa tomak ba Estadu Unidos Amerika (EUA) hodi apoiu teknika militar F-FDTL hodi halo konstrusaun.

Iha fatin hanesan, Adjuntu Ministru Defeza EUA ba Azia Sul no Sudeste Aziatiku, Lindsey Ford hateten, apoiu konstrusaun areoportu ne'e hodi hametin liu tan parseria no amizade entre Timor-Leste ho EUA, la iha intrese seluk.

Nia dehan, prosesu ba konstrusaun areoportu ne'e hahu halo ona rehabilitasaun uluk no depois konstrui lutu primetru haleu no hare fali ba konstrusaun foun ne'e nia medida oinsa," nia hateten.

"Areoportu ne'e ita konstrui laos uza deit ba militar maibe sei uza hodi responde mos ba dezastre naturais nune'e mos sei uza ba sivil, comersiu ne'ebe sei lori vantagem ba turismu Timor-Leste," nia salienta.

Tanba ne'e nia orgullu tebes parseria entre EUA ho Timor-Leste hodi hametin koperasaun iha area seguransa no oinsa atu bele tulun malu iha dezafio ka problema ne'ebe mak entre nasaun rua ne'e infrenta.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04