Sexta, Janeiro 21, 2022

Diretur Servisu Saúde Munisipiu Ainaro, Agostinho da Costa hateten sira rejista vasina AstraZeneca botir 469 mak expirado iha loron 9 fulan Novembru tinan 2021, no produtu vasina sira ne’e asegura hela iha sentru saúde Ainaro, Maubesi, Hatubeliku no Hatu U’udu hodi hein orientasaun ba destruisaun nian.

Diretur Servisu Saúde Munisipiu Ainaro, Agostinho da Costa hateten sira rejista vasina AstraZeneca botir 469 mak expirado iha loron 9 fulan Novembru tinan 2021.

Nia dehan ekipa saúde hamutuk ho autoridade lokal sira halo servisu makas hodi konvense komunidade sira simu vasina Covid-19 no aplika imunizasaun sai tama uma, maibe lakonsege ezekuta vasina hotu antes data expiradu.

“Agora mos partisipasaun ba imunizasaun Covid-19 lao diak, ema iha konsensia ona tanba ne’e kobertura iha Ainaro komesa sa’e oituan kuaze atinji ona 63.7% ba dose premeru no 34% dose segundu, espera molok tinan ne’e remata ami bele atinji 80%,” nia hateten hafoin partisipa enkontru korednasaun ministerio da saúde no ministeriu administrasaun estatal iha salaun City 8 Maneluana, Comoro.

Nia hateten stok vasina AstraZeneca ne’ebe disponivel iha fasilidade saúde sira hotu hamutuk botir 627, no sira halo hela esforsu vasina sai tama uma tanba vasina sira ne’e sei expiradu iha loron 30 Novembru tinan 2021.

Enkuantu, Diretur Servisu Saúde Munisipiu Covalima, Filipe Pereira Lemos hateten sira registu vasina botir 14 mak expiradu iha loron 9 fulan Novembru, no botir 160 mak sei expiradu iha loron 30 fulan Novembru tinan 2021, tanba ne’e sira halo esforsu atu bele ezekuta hotu vasina sira ne’e ba sidadaun sira ne’ebe seidauk simu vasina.

“Antes ne’e iha 200 vial, maibe ami mobilize pesoal saúde hotu halo vasina tama sai uma hodi nune’e bele hetan ema sira ne’ebe seidauk simu vasina no sira ne’ebe seidauk simu dose segundu ita vasina kedas, entau ikus mai hela deit botir 14 mak expirado,” nia hateten.

Iha parte seluk, Diretur Ezecutivu Servisu Autonom Medikamentu no Ekipamentu Saúde Institutu Publiku (SAMES, I.P), Santana Martins hateten bazea ba dadus ne’ebe iha total vasina ne’ebe expiradu iha loron 9 fulan Novembru hamutuk botir 3,780.

Nia dehan sira halo hela komunikasaun ho ministerio da saúde atu bele hare servsiu rekolha ba vasina expirado tanba normalmente SAMES halao deit servisu ne’ebe iha armajen SAMES.

“To’o agora ami seidauk hetan orientasaun atu rekolha vasina expiradu, maibe dala ida tan hau hakarak esplika katak lolos prosedimentu no jestaun destroisaun medikamentu expiradu ou estragadus ne’e kada munisipiu bele halo, importante relatorio kontabilidade tenke submete ba ministeriu da saúde,” nia hateten.

Nia informa stok vasina AstraZeneca iha armajen sentral hamutuk 13,445 vial ou botir, signifika sei iha 134,000 doses. Husi kuantidade ne’e iha 3,445 vial mak sei expair iha loron 30 fulan Novembru no 10,000 sei expair iha loron 30 fulan Abril tinan 2022.

Alende ne’e vasina Sinovac ne’ebe apoia husi governu China 100,000 vial, sei iha 7,158 vial ne’ebe armajena iha armajen sentral Dili tanba fulan ida tomak movimentu vasina ne’e la lao.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04