Sexta, Março 29, 2024
Total visitors: 766366

Rezultadu sensu populasaun no uma-kain tinan 2022, hatudu populasaun munisípiu Viqueque 20% mak mai moris fali iha zona urbana hodi hala’o atividade oioin hanesan servisu, halo negósiu, asesu ba edukasaun no formasaun profesionál tanba labele asesu iha munisípiu rasik.

Ministru Finansas Rui Gomes hateten relatóriu ne’e konfirma populasaun pursentu 28,6 mak hela iha área urbana, husi ne’e 25% mak hela iha Díli ho ema hamutuk rihun 324.

Ministru Finansas Rui Gomes hateten relatóriu ne’e konfirma populasaun pursentu 28,6 mak hela iha área urbana, husi ne’e 25% mak hela iha Díli ho ema hamutuk rihun 324.

"Husi munisípiu neen mak nia populasaun liu pursentu 10 husik sira-nia hela fatin iha área rurál mai hela iha área urbana. Nune’e, iha futuru, hakarak lakohi dezenvolvimentu tenke orienta barak liuba área rurál sira atu nune’e bele kria balansu iha distribuisaun rezultadu dezenvolvimentu entre área urbana no área rurál,” nia hateten hafoin partisipa iha serimónia lansamentu relatóriu sensu populasaun no uma-kain tinan 2022, iha Aitarak laran, Díli.

Nia hateten iha tinan 2015-2022, sensu dalatolu no haat hatudu, populasaun Timor-Leste iha aumentu rihun atus ida limanulu resin neen ka 13%. Entaun totál populasaun iha tinan 2022, hamutuk 1,341,737 ne’ebé kompostu husi feto 662,922 no mane iha 678,815.

Iha parte seluk, Diretora Ezekutivu NGO Fundasaun Alola, Maria Imaculada Guterres preokupa ho númeru populasaun mai iha Díli aumenta, ne’ebé nia implikasaun bo’ot ba servisu antendimentu públiku sira.

“Ami preokupa mak populasaun halo migrasaun mai Díli, entaun ami-nia programa ida atu deklara Área la Soe Foer Arbiru (ALFA) ne’e susar tanba ita halo tiha avaliasaun hotu katak uma-kain hotu-hotu iha ona sintina, derepente fulan ida rua mosu uma-kain foun mai husi munisípiu sintina laiha, ne’e mak sai obstáklu,” nia hateten.

Nia hateten situasaun ne’e akontese tanba dezenvolvimentu ne’ebé la’o durante ne’e konsentra de’it iha área urbana sira, entaun ema atu hetan osan tenke mai fila liman iha Díli, atu eskola universidade tenke mai iha Díli.