- Publika iha: 23 Outubro 2023
Durante fulan janeiru to'o fulan outubru 2023 Autoridade Alfandega rekolla reseitas husi Porto Tibar hamutuk Millaun $78.
"Autoridade Alfandega rekolla reseitas hamutuk Millaun $78 no kontribui ona ba kofre estadu," Komisáriu Autoridade Alfandega Jose Abilio dehan.
Nia dehan, orsamentu ne’ebé rekolla ne'e husi kontentór ne’ebé rejistu tama iha Portu Tibar hamutuk 30,000 ital ona.
"Husi kontentór 30,000 ital ne'e mak ita rekolla taxa hamutuk 78 Millaun. Ami-nia espetativa katak to'o fulan dezembru ita bele rekolla taxa to'o millaun 100," informa.
Entretantu, Deputadu Antonio da Conceição konsidera taxa importasaun ne’ebé aplika husi Porto Tibar ne'e razoavel tebes.
"Porto Tibar ne'e di’ak traballadór sira mós servisu di’ak no lalais nune'e mós reseitas tama ba kofre estadu ita haree di’ak tebes," nia dehan.
Tanba ne'e nia dehan, uluk iha Porto Díli ne'e hein to'o semana ida ka rua to'o fulan mós taxa ne'e kiik tebes, maibé depois de muda ba Porto Tibar ema selu taxa ne'e di’ak tebes no kontribui tebes ba kofre estadu.