Segunda, Junho 24, 2024
Total visitors: 766366

Governu Japaun liu husi Embaxada iha Timor-Leste, apoia panél solar ho fugaun rai 1000 ba ajénsia United Nations Development Programme (UNDP) servisu hamutuk ho Ministério Administrasaun Estatal (MAE), hodi distribui ba komunidade sira iha área rurál sira hodi proteje inan no oan sira husi problema respiratória.

Governu Japaun liu husi Embaxada iha Timor-Leste, apoia panél solar ho fugaun rai 1000 ba komunidade sira iha área rurál sira hodi proteje inan no oan sira husi problema respiratória.

Relasiona ho distribusaun ne’e, Ministru MAE, Tomás do Rosário Cabral hateten, Japaun ajuda governu Timor-Leste durante tinan barak ona, Timor-Leste illa ki'ik, konsumu ai barak liu hodi tein, entaun liu husi fugaun rai ne’ebé oferese husi Japaun bele fasilita ona komunidade di'ak liutan.

“Ha’u husu ba Governu Japaun atu nafatin kontinua apoia ami-nia komunidade. Liu husi painél solar ne’e, ita bele uza hodi halo transformasaun bee ba komunidade. Tanba ita-nia rai ne’e foho barak liu, entaun liu husi apoia ne’ebé oferese husi Japaun ita bele dada fila fali bee uza painél solar ne’ebé ita iha ona,” nia dehan iha lansamentu doasaun painel solar no fugaun rai ba autoridade Munisípiu sira husi UNDP no Embaxador Japaun, iha Timor-Leste, iha Hotel Novo Turismo, Díli.

Nia husu ba autoridade lokal sira atu identifika fatin sira ne’ebé difisil atu lori bee besik ba komunidade, liu husi painél solar ne’ebé iha, atu nune’e bele redús dependensia ba enerjia eletrisidade, tanba Timor ne’e loron manas makaas, uza painél solar di'ak liu.

Reprezentante UNDP, Adeline Carrier hateten distribuisaun enerjia mós ba komunidade sira iha área rural sira, ne’ebé hetan apoia husi governu Japaun, no liu husi projetu ne’e, UNDP sei entrega painél solar no fugaun rai ba komunidade rural 1000 iha munisípiu 3, inklui Manututo, Manufahi, no Ainaro.

“Ida-ne’e la'ós de’it kona-ba enerjia maibé kona-ba troka moris, liu husi enerjia painél solar, atu nune’e família sira bele sente naroman iha tempu kalan, no ajuda oan sira atu bele estuda ho di'ak.

Ohin ami entrega ona, kuantidade fugaun ba responsavel atu halibur fugaun. Aleinde ne’e bele ajuda prevene perigu saúde ba membru família sira ne’ebé kauza husi ai-suar. Ha'u espera katak projetu ida-ne’e sei apoia tranzisaun ba rede zero no dalan reziliente ba klima, nune’e mós povu nia moris iha Timor-Leste,” nia dehan tan.