Segunda, Junho 24, 2024
Total visitors: 766366

Autoridade Protesaun Sivil (APC) liuhusi nia Gabinete Relasaun Esternu, hateten durante semana ida hahú husi loron 25 fulan marsu to’o loron 01 fulan abril, APC rejistu tan kazu dezastre naturais hamutuk tolunulu resin neen (36) iha teritorio Timor-Leste laran.

Autoridade Protesaun Sivil (APC) liuhusi nia Gabinete Relasaun Esternu, hateten durante semana ida hahú husi loron 25 fulan marsu to’o loron 01 fulan abril, APC rejistu tan kazu dezastre naturais hamutuk tolunulu resin neen (36) iha teritorio Timor-Leste laran.

Xefe Sesaun Relasaun Esternu APC, Nelson Nunes dehan akontesimentu ne’ebé iha akontese iha munisípiu Aileu anin sobu uma-kain 1, Baucau anin sobu uma 2, no ema nain 1 mate. Munispiu Bobonaro anin sobu uma 1. Ermera anin sobu uma 7, rai halai sobu uma 2, inklui ema nain 3 kanek. Lautem ahi han uma 1 inklui ema 1 lakon. Liquiçá ema nain 1 mate, Manatuto anin sobu uma 6 inklui ahi han uma 1. Oecusse ahi han uma 1. Viqueque anin sobu uma 4, ahi han uma 1, inklui ema nain 1 kanek.

“Liuhusi dadus ne’ebé rejista, Autoridade Protesaun Sivil halo kedas apoiu emerjénsia ba família sira ne’ebé hetan dezastre. APC halo kedas asistensia hodi evakua vítima sira husi dezastre ba fatin seguru hodi hein to’o sira-nia fatin seguru bele fila fali ba sira-nia fatin,” nia dehan iha edifísiu APC, Caicoli, Díli.

Iha sorin seluk reprezentante Prezidenti Autoridade Munisipio (PAM) Ainaro, Ruivo Barros Magno hateten iha munisipiu Ainaro akontese dezastre naturais iha postu 4, maibé hetan ona apoia emerjénsia husi APC no Administrasaun Munisípiu.

“Iha Ainaro dezastre akontese iha haat, maibé Postu Administrativu tolu mak halo ona apoiu emerjénsia no tuir mai sei apoiu tan postu ida hodi kompleta tan dadus postu 4 munisipiu Ainaro nian. Apoiu ne’e konjunta APC no administrasaun munisipiu nian, ” dehan nia.