Domingo, Julho 14, 2024

Komisaun C iha Parlamentu Nasional ne’ebé trata Asuntu Finansas Públika husu governu tenki halo jestaun di’ak hodi dezenvolve sitiu turizmu relijiozu Ramelau no Rabilau hodi bele kontribui reseitas ba kofre estadu.

Komisaun C iha Parlamentu Nasional ne’ebé trata Asuntu Finansas Públika husu governu tenki halo jestaun di’ak hodi dezenvolve sitiu turizmu relijiozu Ramelau no Rabilau hodi bele kontribui reseitas ba kofre estadu.

Prezidente Komisaun C, Cedelisa Faria do Santos dehan tuir fiskalizasaun ne’ebé mak sira halo hatudu katak governu seiduak halo jestaun di’ak ba sítiu turístiku sira hodi kontribui reseitas ba kofre estadu liuhusi vizitante sira vizita.

Nia dehan, antes ne’e kada fim-de-semana vizitante ne’ebé vizita Ramelau kuaze 600 resin no kada ema selu $0,50 sen, maibé tanba halo jestaun la di’ak no mosu tan problema entre parokia Hatubiliku no Admistradór Munisípiu Ainaro até agora seidauk rezolve.

“Ita husu governu tenke halo jestaun ba sitiu turizmu relijioza Ramelau no Rabilau hodi bele kontribui resitas ba kofre estadu liuhusi osan ne’ebé rekolla husi vizitante sira,” Prezidente Komisaun C Faria dehan.

Nia dehan, durante ne’e mak governu halo jestaun di’ak karik Munisípiu Ainaru iha reseita ne’ebé mak barak ba kofre estadu ne’ebé rekolla husi sitiu turizmu relijiozu Ramelau.

Alende ne’e nia dehan, Rabilau mós nia estatutu ne’e hanesan Ramelau maibé to’o agora nia jestaun seidauk di’ak.

“Ita ko’alia ona ho parokia Maubise no Postu Admistrativu Maubise hodi halo diskusaun kona-ba hadia jestaun iha Rabilau hodi bele kontribui reseita ba estadu,” nia informa.

Entretantu, Ministru Asuntu Económiku Dezenvolvimentu no Ministru Turizmu Ambiente Francisco Kalbuadi Lay dehan, setór turizmu hanesan setór alternativu ba ekonomia rai-laran, tanba ne’e governu halo esforsu makas hodi halo dezenvolve sitiu turístiku sira hotu tantu relijiozu no istóriku sira.

“Ita dezenvolve sítiu turístiku sira atu bele asegura kresimentu ekonomia ho efetivu, efisiensia no sustentavel husi setór turizmu nune’e bele halo diversifikasuan ekonomia,” nia dehan.

Nia dehan, sitiu turistiku hirak ne’e inkliu Ramelau ho Rabilau sei dezenvolve ba fatin turizmu komunitária ne’ebé atu empodera hodi kapasita komunidade lokal hodi dezenvolve no proteje kultura no prezerva meu ambiente, nune’e mós kontribui reseita ba kofre estadu.