Segunda, Junho 24, 2024
Total visitors: 766366

Valentino da Silva nu’udar oan kiak ida fahe nia tempu hodi hala’o negósiu faan sigarru iha dalan ninin Palácio do Governo, iha kapital Díli, hodi sustenta nia eskola no nesesidade estudu nian, iha Universidade Nasional Timor Lorosa’e (UNTL), iha Faculdade de Ciências Sosiais (FCS), Departamento de Política Pública (DPP).

Valentino da Silva nu’udar oan kiak ida fahe nia tempu hodi hala’o negósiu faan sigarru iha dalan ninin Palácio do Governo, iha kapital Díli, hodi sustenta nia eskola no nesesidade estudu nian.

Leia mais...

Diretór Jeral iha Ministeriu Solidaridade Sosial no Inkluzaun (MSSI), Florencio Pina Dias Gonzaga hateten governu da-sia fo prioridade finaliza baze legal kriasaun Konseilho Nasionál ba Direitu Ema ho Defisiénsia (EhD) hodi kordena no monitoriza implementasaun planu asaun nasionál ba EhD.

Diretór Jeral iha Ministeriu Solidaridade Sosial no Inkluzaun (MSSI), Florencio Pina Dias Gonzaga hateten governu da-sia fo prioridade finaliza baze legal kriasaun Konseilho Nasionál ba Direitu Ema ho Defisiénsia (EhD).

Leia mais...

Xinoca Xavier nu’udar estudante hala’o nia estudu iha UniversidadenNasional Timor Lorosa’e (UNTL), Faculdade de Ciências Sociais Departamento de Comuninicação Social, desidi hala’o negósiu pulseira liman liuhusi online hanesan facebook no whatsapp, tanba lakohi husu osan beibeik ba nia inan-aman ne’ebé hanesan agrikultór iha munisípiu iha Ainaro.

Xinoca Xavier nu’udar estudante hala’o nia estudu iha UniversidadenNasional Timor Lorosa’e (UNTL), desidi hala’o negósiu pulseira liman tanba lakohi husu osan beibeik ba nia inan-aman ne’ebé hanesan agrikultór.

Leia mais...

Provedór Direitu Humanu no Justisa (PDHJ), Virgílio da Silva Guterres hateten, relatóriu servisu tinan 2023, hatudu violasaun direitu humanu ne’ebé akontese barak liu komete husi oknum Polísia Nasionál Timor –Leste (PNTL).

Provedór Direitu Humanu no Justisa (PDHJ), Virgílio da Silva Guterres hateten, relatóriu servisu tinan 2023, hatudu violasaun direitu humanu ne’ebé akontese barak liu komete husi oknum Polísia Nasionál Timor –Leste (PNTL).

Nia dehan tinan 2023, sira simu keixa hamutuk 183 kompostu husi kazu violasaun direitu humanu 60 no violasaun prinsipiu boa governasaun iha kazu 123. Husi númeru ne’e kazu 111 mak tama iha investigasaun, ne’ebé ikus mai iha kazu 13 mak finaliza ona investigasaun kompostu husi violasaun direitu humanu kazu 6 no boa governasaun kazu 7.

“Ami-nia relatóriu sira-ne’e to’o agora estatistikamente ita-nia PNTL sira mak sei aas liu hanesan autór ba violasaun direitu humanu,” nia hateten liuhusi konferénsia imprensa iha edifisiu PDHJ Kaikoli, Díli.

Nia hateten kazu sira ne’e la’ós de’it abuzu poder, maibé mós kazu violénsia doméstika ne’ebé envolve husi oknum PNTL sira.

Nia hatutan sira halo ona diskusaun ho komandu PNTL no Ministério Interior atu reforsa iha prosesu formasaun ba membru polísia sira hahu rekrutamentu, nune’e bele hasa’e konsiénsia membru sira-nian prevene aktu sira ne’ebé viola ema nia direitu.

Alende ne’e nia dehan, sira mós husu governu atu kria kondisaun servisu ne’ebé di’ak ba PNTL sira, liu-liu fasilidade no ekipamentu sira atu bele fasilita sira servisu asegura seguransa ba povu.

Nia informa direitu sivíl no polítiku, relatóriu mundial hatudu Timor-Leste iha demokrasia ne’ebé di’ak tebes ho ranking 10 iha mundu kona-ba liberdade imprensa nian. Maibé direitu ekonómiku sosiál no kultura sei sai dezafiu, tanba povu sei halerik ba bee moos, asisténsia saúde, aihan no ambiente ne’ebé saudável.

Nia haktuir iha tinan 2023, sira konsege fó formasaun ba membru PNTL hamutuk nain 78, F-FDTL nain 68 no guarda prizaun nain 100 atu hasa’e sira-nia konsiénsia halo prevensaun ba tortura.

Iha parte seluk, Ministru Interior, Francisco da Costa Guterres rekoñese problema sira ne’ebé iha no halo esforsu atu hadia, liuhusi formatu formasaun ba membru polísia sira.

Nia dehan foin lalais membru PNTL no F-FDTL sira entrega atributu no jura husik grupu artes marsiais no artes rituais, ne’e hatudu governu hakarak muda sira-nia mentalidade atu kumpri regra ne’ebé iha.

“Ita bo’ot sira haree formatura rua iha ne’ebá ne’e hatudu katak ita komesa muda sira-nia mentalidade atu kumpri duni regra ne’ebé iha,” nia hateten.

Nia konsiente presiza haree klean fali kona-ba formasaun sira, liu-liu formasaun direitu humanu nian.