Quinta, Novembro 26, 2020
Total visitors: 537104

Organizasaun Rai’s Hadomi Timor Oan (RHTO) husu governo kria politika inkluziva hodi halo atendimento espesifiku ba Ema Ho Difisiensia (EHD), bainhira akontese dezastre naturais, tanba EHA mak grupo vuneravel liu wainhira dezastre natural ruma akontese iha rai laran.

Diretor Ezekutivo RHTO, Joaozito do Santos hateten governo liu husi Sekretaria Estado Protesaun Sivil (SEPS), fo informasaun ba ema ho difisiensia atu asegura an husi dezastre natural sira hanesan inundasaun no rai nakdoko.

Diretor Ezekutivo RHTO, Joaozito do Santos hateten governo liu husi Sekretaria Estado Protesaun Sivil (SEPS), fo informasaun ba ema ho difisiensia tanto matan, fisika, tilun no seluk tan, oinsa atu asegura an husi dezastre natural sira hanesan inundasaun no rai nakdoko.

“Kuando udan bo’ot mosu, inundasaun nune’e mos bainhira rai nakdoko akontese rai monu, ema difisiente difisil tebes atu salva sira nia vida,” Diretor RHTO Santos hateten.
Tanba ne’e nia apela ba governo tenke kria politika inkluziva hodi halo atendimento espesifiku ba EHD bainhira akontese dezastre ruma.

“Ita hare katak ema difisiente mak vuneravel liu ba dezastre tanba ne’e ita husu governo atu konsidera ida ne’e,” nia husu.

Aleinde ne’e nia informa tan katak akontesimento inundasaun ne’ebe mak akontese iha dia 13 fulan marso 2020 ne’e, iha uma difisiente nian tolu mak hetan estragos, maibe governo halo ona konstrusaun tuir nesesidade difisiente nian.

Entretanto, Sekretario Estado SEPS Joaquin Gusmao hateten, atendimento espesifiku ba maluk difisiente iha tempo udan governo iha lei protesaun sivil nian, iha alinea balun sita ona maibe, dadaun ne’e seidauk bele implementa tanba seidauk lei rasik seidauk aprova.

“Atendimento ne’ebe dadaun ne’e ita prepara ba maluk difiseinte sira, hanesan deit ho ema normal, bainhira afetado ita apoio ekipamentos food, non-food, inklui mos halo kontrusaun ba uma bainhira hetan estragos,” SEPS Gusmao hateten.

Maibe nia dehan, iha koperasaun ne’ebe mak SEPS halo ho organizasaun internasional nune’e mos embaixada sira iha Timor-Leste koalia mos oinsa atu halo atendimento ne’ebe mak espesifiku ba maluk EHD.

“Ita nia maluk difisiente sira ita tenke iha atendimento diak liu, tanba sira mak afetado liu,” nia dehan.

Nia hateten, perigojo liu mak difisiente matan no fisiku hanesan iha kadera roda, bainhira akontese dezastre sira labele atu hases an, tanba ne’e governo ho parseiro iha ona hanoin balun hodi halo antisipasaun.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04