Terça, Novembro 24, 2020
Total visitors: 536534

Komandante Polisia Munisipio Dili, Superientendente Xefe Henrique da Costa hateten, prezensa feto iha konselho polisiamento komunitario (KPK) ne’e nesesariu tebes tanba bele rezolve problema sira ne’ebe mak feto sira hasoru iha komunidade laran, nune’e bele informa ba polisia hodi prosesu tuir dalan legal.

Komandante Polisia Munisipio Dili, Superientendente Xefe Henrique da Costa hateten, prezensa feto iha konselho polisiamento komunitario (KPK) ne’e nesesariu tebes tanba bele rezolve problema sira ne’ebe mak feto sira hasoru iha komunidade laran.

Nia dehan, violensia hasoru feto iha munisipio Dili ne’e as tebes tanba ne’e, liu husi prezensa feto iha KPK iha baze espera katak bele reduz, tanba sira besik liu iha komunidade nian let.

“Feto KPK sira ne’e sei resviso hamutuk ho Ofisial Polisia Suku (OPS) hodi halo identifikasaun ba problema hasoru feto hanesan violensia domesitika no kazu krime seluk ne’ebe mak hasoru feto iha baze. Ita hakarak halo prevensaun iha Dili,” Superientendente Xefe Costa dehan.

Nia dehan, total feto ne’ebe mak involve iha KPK Dili nian hamutuk nain 46, no sira mak reforsa serviso polisia nia iha baze.

Entretanto, Xefe Suku Kampung Alor, Alcina da Costa do Santos hateten, prezensa feto KPK iha Dili ne’e importante tebes tanba durante ne’e feto mos apoio iha suku barak.

“Ita hare durante ne’e maske ita hasoru situasaun risku maibe feto KPK sira mos nafatin pronto hodi rezolve problema ne’e akontese iha suku,” Xefe Suku Santos dehan.

Tanba ne’e nia husu ba PNTL no governo tenke tau konsiderasaun ba feto sira ne’ebe servisu iha KPK laran, tanba feto labele serviso to’o kalan bo’ot, maiba dalan barak problema sira ne’ebe akontese sempre bolu feto mak rezolve kualker tempo.

“Feto mak rezolve problema diak, tanba mane ne’e susar oituan tanba sira mai laos koalia ho kalma maibe no nervozu deit, problema ne’e labele rezolve,” nia dehan.

Enkuanto nia dehan, difikuldade ne’ebe mak KPK sira hasoru mak farda tanba iha suku Kampo Alor KPK hamutuk nain 50 maibe la iha farda.

“Ita husu atu apoio fardamento ba membro sira tanba sira la iha ekipamento seluk hodi proteje sira nia vida maibe ho farda deit,” Xefe Suku Costa husu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04