Terça, Janeiro 19, 2021
Total visitors: 543636

Sekretario Estado Formasaun Profesional no Empregu (SEFOPE), Alarico de Rosario hateten governu iha ona dadus kuantitativu kona ba taxa trabalho infantil iha rai laran, maibe seidauk iha dadus kualitativu atu bele ajuda halo planu ne’ebe integradu hodi rezolve problema trabalho infantil iha Timor-Leste.

Sekretario Estado Formasaun Profesional no Empregu (SEFOPE), Alarico de Rosario hateten governu iha ona dadus kuantitativu kona ba taxa trabalho infantil iha rai laran, maibe seidauk iha dadus kualitativu atu bele ajuda halo planu ne’ebe integradu hodi rezolve problema trabalho infantil iha Timor-Leste.

Nia dehan, iha tinan 2016, governu ho apoia husi parseiru Organizasaun Internasional Trabalho (OIT) halo peskiza kuantitativu hatudu labarik idade 5 to’o 17 hamutuk 67,688 (61,1%) husi 421,655 labarik iha Timor-Leste mak halao atividade ekonomia ajuda familia, no labarik 17,000 resin (12,5%) halao trabalho perigozu.

“Governu halibur dadus kuantitativu regularmente kona ba trabalho infantil, maibe ita laiha informasaun kualitativa adekuadu atu komprende diak problema ne’e. Evidensia diak mak presiza atu implementa resposta multi-sektoral hodi elemina trabalho infantil,” nia hateten bainhira halo abertura ba kolokiu atu resolve lacuna iha dadus kualitativu ba kombate trabalho infantil, iha Timor Plaza, Dili.

Nia dehan, governu iha kompromiso bo’ot atu elemina no halakon trabalho infatil iha rai laran no servisu ida ne’e atu hetan susesu presiza servisu no hare hamutuk fator sira ne’ebe kontribui ba labarik sira involve iha servisu.

Entretantu, Presidente Konfederasaun Sindikatu Timor-Leste (KSTL), Almerio Vila Nova hateten governu iha responsabilidade atu halo peskiza ida ne’ebe klean ba problema trabalho infantil iha rai laran tanba governu mak iha rekursu sufisiente atu halo peskiza ida ne’e.

“Atu elemina ita presiza iha dadus ne’ebe kompletu tanba ne’e peskiza ne’e importante atu identifika klean taxa trabalho infantil ne’ebe eziste, no kategoria servisu ne’ebe labarik sira halo inklui razaun sira,” nia hateten.

Iha oportunidade ne’e mos nia ejiji ba governu atu aselera diskusaun ba esbosu dekretu lei trabalho infantil nian hodi bele haforsa implementasaun planu asaun nasional sira ba kombate trabalho infantil.

Iha parte seluk, Reprejentante UNICEF iha Timor-Leste, Valérie Taton hateten trabalho infantil laos deit akontese iha Timor-Leste, maibe mundu tomak eziste no labarik kuaze miliaun 152 mak involve iha servisu no metade husi sira halao servisu iha kondisaun perigu.

“UNICEF hamutuk ho OIT no parseiru dezenvolvimentu sira prontu atu apoia governu Timor-Leste ba eleminasaun trabalhador infantil. Trabalhador infantil agrava dezigualidade sosial, deskriminasaun, no halakon labarik feto no mane sira nia direitu infansia. Mai ita hotu halo asaun hamutuk atu komprende diak liu no rezolve problema ne’e no garante labarik ida-ida iha Timor-Leste goza sira nia direitu sira,” nia hateten.

Nia dehan peskiza kualitativa refere importante tebes atu hatene kauza tanba sa akontese trabalhador infantil, no asaun saida mak individu no grupo sira tenke kontribui ba eleminasaun trabalhador infantil.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04