Sábado, Fevereiro 27, 2021
Total visitors: 550453

Presidente Board Rede Feto Timor-Leste, Yasinta Lujina hateten servisu edukasaun no promosaun direitu humanu ne’ebe durante ne’e halao seidauk to’o ba ema hotu tanba ne’e numeru violensia kontinua a’as.

Presidente Board Rede Feto Timor-Leste, Yasinta Lujina hateten servisu edukasaun no promosaun direitu humanu ne’ebe durante ne’e halao seidauk to’o ba ema hotu tanba ne’e numeru violensia kontinua a’as.

Nia dehan iha nasaun demokrasia importante ba sidadaun sira atu komprende no intende kona ba direitu humanu atu ema ida-ida bele hatene sira nia direitu no dever.

“Konhesimentu kona ba asuntu direitus humanus presiza tebes habelar ba ita nia sosiedade tanba dala ruma ema hanoin ema ida bele halo konforme sira nia hakarak ba ema seluk,” nia hateten iha servisu fatin Kaikoli, Dili.

Nia dehan, edukasaun sivika kona ba direitus humanus durante ne’e halao ona husi Providoria Dos Direitus Humanos no Justisa (PDHJ) no Direitus Humanus Nasoes Unidas, maibe foka liu deit ba orgaun estado sira hanesan funsionario.

Nia hatutan papel governu nian atu servisu hamutuk ho sosiedade sivil no autoridade lokal sira halo sensibilizasaun no edukasaun sivika ba komunidade sira kona ba direitus humanus.

Iha parte seluk, Xefe Gabinete PDHJ, Silvino Saldanha Pereira hateten sira nia servisu mak halo kontrolu ba instituisaun estado, setor privado sira ba ezekusan orsamentu no servisu hamutuk mos sosiedade sivil sira promove direitus humanus.

“Husu ba instituisaun solidaridade sosial sira ne’ebe asina akordu koperasaun ho Ministerio Solidaridade Sosial no Inkluzaun atu kumpri baut sira ne’ebe hakerek ona iha akordu atu fo asistensia diak liu tan ba sidadaun sira,” nia hateten.

Nia dehan, sira kontinua halo esforsu atu servisu ho entidade hotu promove direitus humanus, liu-liu kontrolu ba instituisaun estado sira atu servisu ho transparensia no akontabilidade hodi hakonu direitu baziku sidadaun sira nian iha Timor-Leste.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04